مادەنيەت جانە اقپارات مينيسترلىگىنىڭ «ۇلتتىق كىتاپ» رەسپۋبليكالىق بايقاۋىنا قاتىسۋعا وتىنىمدەر قابىلداۋ باستالدى. ءدۇبىرلى دودا ۇلتتىق كىتاپ كۇنى مەرەكەسىنە وراي وتكىزىلەدى.
اتالعان بايقاۋ كىتاپ وقۋ مادەنيەتىن قالىپتاستىرۋ, ۇزدىك اۆتورلاردى انىقتاپ, قازاق ادەبيەتىنىڭ, رۋحانياتىنىڭ دامۋىنا ىقپال ەتۋدى, اۋدارماشىلاردى, باسپاگەرلەر مەن كىتاپ ديزاينەرلەرىن قولداپ, ىنتالاندىرۋدى ماقسات ەتىپ وتىر. بايگە 10 اتالىم بويىنشا وتەدى: «بالالارعا ارنالعان ۇزدىك كىتاپ», «ۇزدىك كوميكس», «نون-فيكشن جانرىنداعى ۇزدىك كىتاپ», «دەتەكتيۆ جانرىنداعى ۇزدىك كىتاپ», «ساتيرا جانرىنداعى ۇزدىك كىتاپ», «ۇزدىك يليۋستراتسيالىق كىتاپ», «ۇزدىك اۋدارما كىتابى», «فانتاستيكا جانرىنداعى ۇزدىك كىتاپ», «ۇزدىك باسپا», «جىل كىتابى» گران-پري سىيلىعى.
كونكۋرسقا كەيىنگى ەكى جىلدا جارىق كورگەن تۋىندىلار قابىلدانادى. قابىلداۋ مەرزىمى 15 قاڭتار – 1 ءساۋىر ارالىعىنا وتەدى.
ايتا كەتەيىك, مەملەكەت باسشىسىنىڭ باستاماسىمەن «ۇلتتىق كىتاپ كۇنى» بەكىتىلگەن ەدى. مەرەكە العاش رەت 23 ساۋىردە اتاپ وتىلەدى.