بۇل ماسەلەنى شەشۋگە وبلىس اكىمدىگى مەن «قازاقمىس» كورپوراتسياسى» جشس اراسىنداعى مەموراندۋمنىڭ دا شاپاعاتى تيە باستادى, دەپ حابارلايدى Egemen.kz.
كەنشىلەر قالاسىنداعى 320 ورىندىق «اقبوتا» بالاباقشاسى 1994 جىلى پايدالانۋعا بەرىلگەن ەدى. توبەدەن سۋ اققان, ەدەننەن جەل ۋىلدەگەن كۇندەر ەندى كەيىن قالدى. «قازاقمىس» 967 ملن تەڭگە ءبولىپ, جوندەۋدەن سوڭ جايناتىپ جىبەردى. مۇندا كورپوراتسيا تەك عيماراتقا جوندەۋ جۇمىستارىن عانا جۇرگىزىپ قويعان جوق, بالاباقشاعا مونتەسسوري, تۇز شاحتاسى مەن دەنەشىنىقتىرۋ جانە مۋزىكا بولمەلەرىن تارتۋ ەتتى. بالاباقشانىڭ بۇكىل جابدىقتارىن دا جاڭالاپ بەردى.
«اقبوتانىڭ» بالالارعا ەسىگىن قايتادان ايقارا اشقان سالتاناتىنا ساتباەۆ قالاسىنىڭ اكىمى م.بورىباەۆ, «قازاقمىس» كورپوراتسياسى» جشس باسقارما توراعاسى ن.نۇريەۆ قاتىستى.