استاناداعى №87 مەكتەپ-گيمنازياسىندا قازاقتىڭ ۇلى اقىنى ءارى ويشىلى اباي قۇنانباەۆتىڭ 180 جىلدىق مەرەيتويىنا وراي سالتاناتتى ءىس-شارا ءوتتى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
ء«سوز التىن حاكىم اباي» شىعارماشىلىق ءىس-شاراسى اباي قۇنانباەۆتىڭ مەرەيتويى اياسىندا جوسپارلانعان ءىس-شارالار سەرياسىن باستادى. ۇلى اقىن ەسىمىن العان №87 مەكتەپ-گيمنازيا 2019 جىلى اشىلعان. اشىلعان ساتتەن باستاپ وقۋ ورنىندا قازاق ويشىلىنىڭ ءومىرى مەن شىعارماشىلىعىن زەرتتەيتىن «ابايتانۋ» ءپانى ەنگىزىلدى. بەس جىل ىشىندە مەكتەپ اباي مۇراسىن ناسيحاتتاپ كەلەدى.
ءىس-شارا اياسىندا مەكتەپ وقۋشىلارى اباي ولەڭدەرىن, قارا سوزدەرىن جانە پوەمالارىنىڭ ۇزىندىلەرىن جاتقا وقىپ, بىلىمدەرىن كورسەتتى.
ء«بىزدىڭ مەكتەپتىڭ ميسسياسى - اباي جازعان «تولىق ادام» يدەالىنا سايكەس كەلەتىن ءبىلىمدى, مورالدىق تۇرعىدان تۇراقتى جانە ۇيلەسىمدى دامىعان تۇلعانى تاربيەلەۋ. بۇگىنگى ءىس-شارا وقۋشىلارىمىزعا وزدەرىنىڭ قاجىرلى ەڭبەكتەرىنىڭ ناتيجەلەرىن كورسەتۋگە مۇمكىندىك بەردى», دەدى №87 مەكتەپ-گيمنازياسىنىڭ ديرەكتورى ايگۇل قاشاەۆا.
سونىمەن قاتار ءىس-شارادا قۇرمەتتى قوناق - ابايتانۋشى, اقىن جانە قازاقستان جازۋشىلار وداعىنىڭ مۇشەسى الماحان مۇحامەتقاليقىزى ءسوز سويلەدى.
«مەن اباي شىعارمالارىن ەرتە جاستان وقىپ كەلەمىن جانە وسىنداي ءىس-شارالاردى قولداۋدى ءوز مىندەتىم دەپ سانايمىن. مۇنداي ءىس-شارالار ۇلتتىق سانا-سەزىمدى, مادەني قۇندىلىقتاردى قالىپتاستىرۋ جانە ءبىزدىڭ تاريحىمىزدى قۇرمەتتەۋ ءۇشىن قاجەت», دەپ اتاپ ءوتتى الماحان مۇحامەتقاليقىزى.
ساحنادا اباي شىعارماشىلىعىنا ارنالعان قالالىق جانە رەسپۋبليكالىق بايقاۋلاردا جەتىستىككە جەتكەن وقۋشىلار دا ونەر كورسەتتى.