ەرجان ماكسيم دۋبايدا وتكەن Sanremo best song 2025 ءان بايقاۋىنىڭ گران-ءپريىن جەڭىپ الدى. بۇل تۋرالى 17 جاستاعى ورالدىق ءانشىنىڭ ءوزى Instagram-داعى پاراقشاسىندا جازىپ, ءسۇيىنشى سۇرادى, دەپ حابارلايدى Egemen.kz.
ەرجان قازاقستان حالقى مەن جانكۇيەرلەرىنە قولداۋى مەن سەنىمى ءۇشىن العىس ايتتى.
«Sanremo best song 2025 Dubai حالىقارالىق انشىلەر كونكۋرسىن باعىندىرۋ بۇيىرعان ەكەن, قادىرمەندى اعايىن. ەندەشە, ەرەكشە سەزىممەن وسى جەڭىسىمدى بارلىق مەنىڭ ونەرىمدى باعالاپ, وسى كۇنگە دەيىن مەنى قولداپ جۇرەتىن قازاق ەلىمە باسىمدى يەمىن! بىراق وسى جولى بەسىكتەن وسى كۇنگە ماپەلەپ وسىرگەن, ونەرىمە بار ءومىرىن ارناعان انام مەن اكەشىمە ارناعىم دا كەلەدى! تۋعان-تۋىس پەن جاقىندارىما, ۇستازدارىم مەن دوستارىما جانە بارلىق قولداۋ بىلدىرگەن جان اعالارىما!», دەپ جازدى ول.