ەلىمىزدە قابىلدانعان ء«تاريفتى ينۆەستيتسيالارعا ايىرباستاۋ» باعدارلاماسى بويىنشا جەزقازعان قالاسىندا العاشقى جوبا جۇزەگە استى. «قازاقمىس ەنەردجي» جشس-نا قاراستى جىلۋ-ەلەكتر ورتالىعىندا جەتىلدىرىلگەن ۇلگىدەگى تەحنولوگيامەن جابدىقتالىپ, جاڭارتىلعان №8 قازاندىق ىسكە قوسىلدى.
– قازاندىقتى جاڭعىرتۋ جۇمىسى 2021 جىلعى اقپان ايىندا باستالعان ەدى. مۇندا تولىعىمەن زاماناۋي قۇرال-جابدىقتار ورناتىلدى. وزىق تەحنولوگيالاردىڭ ارقاسىندا قازاندىقتىڭ قۋاتى ارتتى, ساعاتىنا 220 توننا بۋ وندىرۋگە, ەلەكتر قۋاتى ءوندىرىسىن 40 مەگاۆاتقا ارتتىرۋعا مۇمكىندىگى بار. بۇل ءوز كەزەگىندە قالاداعى جىلۋ جۇيەسىنىڭ جالپى جاعدايىن دا جاقسارتادى, – دەيدى جەزقازعان جىلۋ ەلەكتر ورتالىعىنىڭ ديرەكتورى ەرمەك جۇماحانوۆ.
جوبانىڭ جالپى قۇنى 8,8 ملرد تەڭگە قۇرادى. جاڭارتىلعان قازاندىق قالاداعى تۇرعىن ۇيلەر مەن الەۋمەتتىك نىسانداردى جىلۋمەن قامتۋ ماسەلەسىندە سەنىمدىلىكتى ارتتىردى.
جەزقازعان