عالىمداردىڭ بولجامىنا قاراعاندا, ەگەر جاپونيادا تۋ كورسەتكىشى قازىرگى دەڭگەيدە ساقتالاتىن بولسا, 2720 جىلدىڭ 5 قاڭتارىنا قاراي ەلدە 14 جاسقا تولماعان ءبىر عانا بالا قالادى, دەپ حابارلايدى Egemen.kz The Japan Times باسىلىمىنا سىلتەمە جاساپ.
بۇل بولجامدى توحوكۋ ۋنيۆەرسيتەتىنىڭ پروفەسسورى حيروسي يوسيدا ايتقان. بولجام 2023 جىلعى ەسەپتەردەن 100 جىل بۇرىن جاسالعان.
ايتا كەتەيىك, ەسەپتەۋلەر وتكەن جىلدىڭ ءساۋىر ايىنداعى بالا سانى مەن قازىرگى سان اراسىنداعى ايىرماشىلىق رەتىندە ەسەپتەلەتىن بالالار سانىنىڭ جىلدىق ازايۋ قارقىنىنا نەگىزدەلگەن.
دەنساۋلىق ساقتاۋ مينيسترلىگىنىڭ سوڭعى مالىمەتتەرىنە سايكەس, 2023 جىلى تۋ كورسەتكىشى 1,20 رەكوردتىق ەڭ تومەنگى دەڭگەيگە دەيىن تۇسكەن.
بۇعانى نەكە سانىنىڭ ازايۋى سەبەپ بولعان. وسى دەموگرافيالىق قيىندىقپەن كۇرەسۋ ماقساتىندا بيلىك جاستاردى نەكەگە تۇرۋعا ىنتالاندىرىپ جاتىر.
بۇعان دەيىن توكيو دەموگرافيالىق داعدارىستى شەشۋ ءۇشىن مەملەكەتتىك قىزمەتكەرلەر ءۇشىن ءتورت كۇندىك جۇمىس اپتاسىن ەنگىزۋدى جوسپارلاپ وتىرعانى حابارلانعان ەدى.
سونىمەن قاتار توكيودان باسقا بارلىق جاپون پرەفەكتۋرالارىنىڭ حالقى 2050 جىلعا قاراي ازايادى دەپ بولجانعان.
2024 جىلى 65 جاستان اسقان جاپون ازاماتتارىنىڭ سانى رەكوردتىق كورسەتكىشكە جەتىپ, 36,25 ميلليونعا جەتتى, بۇل الدىڭعى جىلمەن سالىستىرعاندا 20 مىڭعا كوپ. بۇل رەتتە ولاردىڭ ءاربىر ءتورتىنشىسى جۇمىسىن ءالى دە جالعاستىرىپ جاتىر.
حالىقتى جانە الەۋمەتتىك قاۋىپسىزدىكتى زەرتتەۋ ۇلتتىق ينستيتۋتىنىڭ مالىمەتى بويىنشا, 2040 جىلعا قاراي جاپونياداعى ەگدە جاستاعى ادامداردىڭ ۇلەسى جالپى حالىقتىڭ 34,8%-ىن قۇرايدى.