استانا قالاسىنىڭ تۇرعىنى كەپىلدى اۆتوموبيلدەردى ساتىپ الۋ جانە نارىقتىق باعادان تومەن باعامەن بەرۋ سىلتاۋىمەن اقشالاي قاراجاتتى جىمقىرعان, دەپ حابارلايدى Egemen.kz.
«استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ 2024 جىلعى 13 قاراشاداعى ۇكىمىمەن يا. الاياقتىقتىڭ 5 ەپيزودى بويىنشا, ياعني 2024 جىلدىڭ 16 ناۋرىزى مەن 10 ماۋسىمى ارالىعىنداعى كەزەڭدە كەپىلدى اۆتوموبيلدەردى ساتىپ الۋ جانە نارىقتىق باعادان تومەن باعامەن بەرۋ سىلتاۋىمەن بوتەننىڭ مۇلكىن الداۋ جانە سەنىمدى تەرىس پايدالانۋ جولىمەن بىرنەشە رەت ءىرى مولشەردە جالپى سوماسى 20 ملن تەڭگەدەن استام اقشالاي قاراجاتىن جىمقىرعانى (قك 190-بابى 3-ءبولىنىڭ 1,4) تارماقتارى) ۇشىن كىنالى دەپ تانىلعان», دەلىنگەن حابارلامادا.
سوتتالعان 3 جابىرلەنۋشىگە كەلتىرىلگەن زالال سوماسى ءىرى مولشەردى قۇرامايدى جانە ارىزدارى سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىندە (سدتبت) زاڭسىز تىركەلگەن دەپ ساناپ, ۇكىمگە اپەللياتسيالىق تارتىپپەن شاعىم كەلتىرگەن. سونداي-اق جازانى جەڭىلدەتۋ سۇرالعان.
الايدا, استانا قالالىق سوتىنىڭ قىلمىستىق ىستەر جونىندەگى سوت القاسىنىڭ قاۋلىسىمەن ۇكىم وزگەرىسسىز قالعان.
«يا.-عا قاتىستى قىلمىستىق ءىستى ءبىرىنشى ساتىداعى سوت قىسقارتىلعان تارتىپپەن قاراعان, سەبەبى ول سوتقا دەيىنگى تەرگەپ-تەكسەرۋ بارىسىندا دا, سوتتا دا ءوز كىناسىن مويىنداعان. ءىس بويىنشا دالەلدەمەلەرگە, سونداي-اق زالال سوماسىنا داۋ ايتپاعان. وعان وسى ءىس جۇرگىزۋ ارەكەتىنىڭ قۇقىقتىق سالدارى تۇسىندىرىلگەن. بۇل رەتتە ونىڭ قۇقىقتارىن بۇزۋعا نەمەسە نۇقسان كەلتىرۋگە جول بەرىلمەگەن, سوت قپك-ءنىڭ 382-بابىنىڭ تالاپتارىن ساقتاعان. تەرگەپ-تەكسەرۋ بارىسىندا قپك تالاپتارىن بۇزۋعا جول بەرىلمەگەن, سوت جابىرلەنۋشىگە كەلتىرىلگەن زالالدىڭ سوماسىن وتەۋ جونىندە شارالار قابىلداماعانىن ەسكەرە وتىرىپ, ءادىل جانە ءىس-ارەكەتىنە مولشەرلەس جازا تاعايىنداعان», دەپ حابارلادى استانا قالاسىنىڭ قىلمىستىق ىستەر جونىندەگى اۋدانارالىق سوتى.
سوت اكتىلەرى زاڭدى كۇشىنە ەندى.