جول جاۋاپسىزدىقتى كوتەرمەيدى

اقمولا وبلىسىنداعى جاڭا­­تا­لاپ اۋىلى ما­ڭىندا بولعان جاپپاي جول-كولىك اپاتىنا ەڭ ءبىرىنشى سەبەپكەر نارسە – ادامداردىڭ تجم «قۇتقارۋ قىزمەتى» تاراتىپ جاتقان حابارلاماعا قۇلاق اسپاۋى. وقيعا بولاتىن كۇنى, ياعني جۇمانىڭ تاڭىندا ساعات 8.45-تە ءبارىمىزدىڭ تەلەفونىمىزعا «استانا-ششۋچينسك تاسجولى جا­بىق» دەگەن ەسكەرتۋ كەلگەن ەدى. الايدا بۇل حابارلاما مەن اۋا رايىنىڭ قولايسىز بولىپ تۇر­عانىنا قاراماستان, قانشاما ادام سول كۇنى جولعا شىققان.

«قازاۆتوجول» بەرگەن مالى­مەت­كە قاراعاندا, 3 قاڭتاردا تاڭەر­تەڭ «استانا-پەتروپاۆل» رەس­پۋب­ليكالىق ماڭىزى بار اۆتو­جولىنىڭ 18-232 شاقىرىم ارا­لى­عىنداعى ۋچاسكەسىندە كولىك­تىڭ بارلىق ءتۇرىنىڭ قوزعالىسىنا شەك­تەۋ قويىلعان. كەيىن اۋا رايى­نىڭ جاقسارۋىنا وراي ساعات 12.30-دا پوليتسيا كولىگى مەن «قازاۆتوجول» كومپانيا­سى ارنايى تەحنيكاسىنىڭ سۇيە­مە­ل­دەۋىمەن استانا قالاسىنا قاراي قوزعالىس باستالعان. الاي­دا جۇرگىزۋشىلەر تاراپىنان جىل­دامدىق رەجىمى مەن ارا-قاشىق­تىقتى ساقتاماۋ سالدارىنان ساعات 13.28-دە اۆتوجولدىڭ 153-شا­قى­رىمىندا, ياعني جاڭاتالاپ اۋىلى ماڭىندا ەكپىنمەن كەلە جاتقان كولىكتەر ءبىر-بىرىمەن سوقتىعىسقان.

اقمولا وبلىستىق پوليتسيا دەپارتامەنتىنىڭ ءباسپاسوز حاتشىسى­ گۇلنار پينچۋكتىڭ حابارلاۋىنشا, قازىرگى تاڭدا وقيعاعا بايلانىس­تى قىلمىستىق كودەكستىڭ 345-بابى 1-بولىگىندە كوزدەلگەن «جول قوزعالىسىنا قاتىسۋشىلاردىڭ ابايسىزدا ورتا دارەجەلى دەنساۋ­لىققا زيان كەلتىرگەن جقە بۇزۋى» بويىنشا, سونداي-اق قىلمىستىق كودەكستىڭ 353-بابى 1-بولىگىندە كوزدەلگەن «كولىكتە قولدانىستاعى ەرەجەلەردى بۇزۋ» بويىنشا سوتقا دەيىنگى ءىس جۇرگىزۋ باستالعان. تەر­گەپ-تەكسەرۋ اياسىندا جول-كولىك وقيعاسىنىڭ بارلىق ءمان-جايى انىقتالادى.

وقيعادان ءبىر كۇن وتكەندە استانا قالاسىنا قاراي قوزعالىپ كەلە جاتقان سول توپتىڭ ىشىندە بول­­عان جۇرگىزۋشىلەردىڭ ءبىرى قوز­عا­لىس قاتىسۋشىلارى اراسىندا جىلدامدىق رەجىمى مەن ارا-قاشىق­تىقتى ساقتاماي, باسقالارعا قاۋىپ تون­دىرگەن كولىكتىڭ ۆيدەوسىن جاريا­لادى. كەيىن پوليتسەيلەر استانا قالاسىنىڭ تۇرعىنى, BMW ماركالى اۆتوكولىگىنىڭ 19 جاستاعى جۇرگىزۋشىسىن انىقتادى.

پاترۋلدىك پوليتسيا قىزمەت­كەرلەرى كولىك جۇرگىزۋشىسىن بىر­دەن اكىمشىلىك كودەكستىڭ ەكى بابى بويىنشا اكىمشىلىك جاۋاپ­كەرشىلىككە تارتتى. اتاپ ايت­­قاندا, كىنالى تۇلعا اقبتك 595-بابى­نىڭ 1-بولىگى «مانەۆر جاساۋ ەرە­جە­لەرىن بۇزۋ» جانە اتالعان كودەكس­تىڭ 606-بابىنىڭ 1-بولىگى «جول قوز­عالىسىنا قاتىسۋشىنىڭ اپات­­تىق جاعداي تۋعىزعان جول قوز­عا­لىسى ەرەجەلەرىن بۇزۋى» بويىن­شا جاۋاپكەرشىلىك ارقا­لادى. سونىمەن قاتار قۇقىق بۇزۋ­شى­مەن پروفيلاكتيكالىق اڭگىمە جۇرگىزىلدى. جاپپاي اپات­تىڭ ورىن الۋىنا دا ءدال وسى جۇر­گىزۋشىنىڭ ارەكەتى سەبەپشى بولۋى ابدەن مۇمكىن. ونىڭ اق-قاراسىن پوليتسيا انىقتاي جاتار.

ايتا كەتسەك, جاپپاي جول-كولىك اپاتى سالدارىنان 10-نان اسا ادام جاراقات الىپ, 95 كولىك ءب ۇلىندى. قازىرگى تاڭدا كاسكو باعدارلاماسى بو­يىنشا تولەم الۋ ءۇشىن «ەۆرازيا» ساق­تاندىرۋ كومپانياسىنا بىر­نەشە جۇرگىزۋشى جۇگىنگەن. اتال­عان باعدارلاما بويىنشا زارداپ شەككەن كولىك يەسى جكو-عا ءوزى كىنالى بولسا دا, ءتىپتى كىنالى ادام انىقتالماعان جاعدايدا دا تولەم الا الادى. ال كىنالى انىق­تالعان جاعدايدا, كومپانيا سوت تارتىبىمەن ايىپپۇل سوماسىن سول ادامنان تالاپ ەتۋگە قۇ­قىلى. كومپانيا بەرگەن مالى­مەتكە قاراعاندا, كىنالى انىق­تال­ماسا, كاسكو ءپوليسى جوق ادام­دار زاقىمدالعان كولىك­تە­رىن ءوز قاراجاتى ەسەبىنەن جون­­­دەۋگە ءماجبۇر بولادى.

ءىىم مالىمەتىنە سۇيەنسەك, وسى قىس ۋاقىتىندا اۋا رايىنىڭ قو­لاي­­­سىزدىعىنا بايلانىستى ەلىمىز­­دىڭ جولدارىندا 1 284 شەكتەۋ, سو­نىڭ ىشىندە جاڭا جىل باس­تال­­­عالى 56 شەكتەۋ ەنگىزىلگەن. دە­­­گەن­­­­­مەن پوليتسيا مەن باسقا دا تو­تەن­­شە قىزمەتتەردىڭ ەسكەرتۋىنە قا­­را­ماستان, جۇرگىزۋشىلەر جابىق ۋچاس­كەلەرگە شىعىپ, جولداردىڭ اشى­لۋىن كۇتىپ تۇرعان بەكەتتەر­دە كەپتەلىس تۋدىرىپ جاتادى. جول اشىلعاننان كەيىن ءبارى ءبىر ۋاقىت­تا قوزعالىپ, ءنومىردىڭ ەڭ الدىنا شى­­عىپ كەتۋ ءۇشىن قاتتى جىل­دام­دىق­­پەن جۇرۋگە تىرىسادى. مۇنىڭ سو­ڭى ءتۇرلى اپاتقا اكەپ سوعۋى مۇم­­كىن.

ىشكى ىستەر مينيسترلىگى كولىك جۇرگىزۋشىلەرىنەن جول ەرەجە­لەرىن ساقتاپ, رولدە وتىرعاندا مۇقيات بولۋ قاۋىپسىزدىكتىڭ كەپىلى ەكەنىن ەسكەرتىپ كەلەدى. 3 قاڭتار كۇنى حالىققا ۇندەۋ جولداعان ءىىم اكىمشىلىك پوليتسيا كوميتەتىنىڭ توراعاسى قايسار سۇلتانباەۆ اۋا رايى قولايسىز بولىپ, اينالانى كورۋ مۇمكىندىگى ازايعاندا, جول كوكتايعاق بولعاندا, جىلدام­دىق­تى شا­ما­دان تىس اسىرماۋ كەرەك ەكەنىن, دىتتەگەن جەرگە مۇلدەم بار­ماي قالعاننان كەشىگىپ بارعان جاقسى ەكەنىن ەسكە سالدى.

«كوكتايعاق, بوران, قار نەمەسە تۇمان كەزىندە جولعا شىقساڭىز, سا­پارىڭىز سىناققا اينالۋى مۇم­كىن. سوندىقتان ونداي جاعدايدا ۇزاق ساپارلاردان باس تارتۋدى ۇسىنامىز. ءوزىڭىزدىڭ جانە وزگە­لەر­دىڭ ءومىرىن قاتەرگە تىكپەس بۇرىن كۇن رايىنىڭ قالىپقا كەل­گەنىن كۇتىڭىز. ال ەگەر ونداي جاع­دايدا جولدا قالىپ قويساڭىز: جىل­دام­دىقتى ازاي­تىڭىز, قاۋىپسىز ارا­قا­شىق­تىقتى ساق­تاڭىز, جىلدام ءجۇرىس پەن باسىپ وزۋدان اۋلاق بو­لىڭىز, مۇم­كىن­دىگىنشە جاقىن ەلدى مەكەنگە نەمەسە قاۋىپسىز جەرگە توقتاڭىز. جول قىزمەتتەرى, سون­داي-اق پوليتسيا جانە قۇتقارۋ بولىم­­شەلەرى جولدا تاۋلىك بويى جۇمىس ىستەيدى. ولار­­دىڭ مىن­دەتى – سىزگە كومەكتەسۋ. توتەن­­شە جاع­داي تۋىنداعان جاع­داي­دا دەرەۋ كومەككە جۇگىنىڭىز. ءبىز اۋا رايى جاعدايىنا بايلانىس­تى شەك­تەۋلەر مەن قاعيدالاردى بۇزعان­دارعا ەرەكشە نازار اۋدارامىز. مۇنداي ارەكەتتەر ءتارتىپ بۇزۋ­­شى­لاردىڭ وزدەرىنە عانا ەمەس, اينالاسىنداعىلارعا دا قا­ۋىپ تون­دىرەدى. كىنالىلەر زاڭ بو­يىن­شا جاۋاپقا تارتىلادى. ءسىز­دىڭ جول­دا­عى قىراعىلىعىڭىز بەن جاۋاپ­كەر­شى­لىگىڭىز – ۇيىڭىزگە امان-ەسەن ورالۋىڭىزدىڭ كەپىلى», دەدى ول.