2 قاڭتاردا اۋداندىق اۋرۋحاناعا زەرەندىنىڭ كىشكەنتاي تۇرعىنى شۇعىل جەتكىزىلگەن. رەنتگەن ارقىلى بالانىڭ ىشەگىنە بوگدە زات تۇسكەنى انىقتالعان, دەپ حابارلايدى Egemen.kz.
«بالانى بىردەن تەكسەرىپ, شۇعىل وپەراتسياعا دايىنداۋ ءۇشىن جانساقتاۋ بولىمىنە باعىتتادىق. دەر كەزىندە قارالماعان سوڭ بوگدە زات توق ىشەك پەن اش ىشەككە شاشىراپ كەتكەن. وتانى تاجىريبەلى دارىگەر, بولىمشە مەڭگەرۋشىسى ەرنار قوجابەكوۆ جاسادى. مەن كومەكتەستىم. لاپوروسكوپيالىق تىرەۋىشتىڭ, مونيتوردىڭ كومەگىمەن ءبىز 39 ماگنيتتىك شاردى شىعارىپ الدىق. ءۇش كۇن ىشىندە ولار ىشەكتى زاقىمداپ, توق ىشەك پەن اش ىشەكتى تەسىپ ۇلگەرگەن. بۇل وپەراتسيا بارىسىن قيىنداتتى. سوندىقتان وتا بەس ساعاتقا سوزىلدى. سونىمەن قاتار اعزادا پەريتونيت شىعىپ, ءىرىڭ ىشەككە وتكەن», دەدى بالالار حيرۋرگى ءسالىمجان جاقىپوۆ.
ونىڭ ايتۋىنشا, وسىعان ۇقساس جاعداي جارتى جىل ىشىندە ءۇشىنشى رەت تىركەلىپ وتىر. بۇعان دەيىن 12 جانە 24 دانا ماگنيت جۇتقان بالالار كەزدەسكەن.