كەلەشەك – كولىك-لوگيستيكالىق حابىندا

تەمىرجول

مەملەكەت باسشىسى قاسىم-جومارت توقاەۆ جولداۋدا ەلدى ەۋرازيا­نىڭ باستى كولىك-لوگيس­تي­كالىق حابىنا اينالدىرۋدى تاپسىردى. بۇگىندە باتىس پەن شىعىس اراسىنداعى جۇك اينالىمى – 216 ملن توننا. سولتۇستىك – وڭتۇستىك اراسىنىڭ الەۋەتى – 206 ملن توننا. مۇنداعى اقشا اينالىمى 1 ترلن دوللاردان اسىپ جىعىلدى. بىلتىر 1 407 كم تەمىرجول توسەمى جاڭارتىلىپ, 570 كم كۇردەلى جوندەۋدەن ءوتتى. «قتج» 2029 جىلعا دەيىن 11 مىڭ شاقىرىم تەمىر­جول­­دى جوندەۋ جول كارتاسىن ىسكە اسىرادى. بۇگىندە جوس­پارلانعان كولەمنىڭ 2 800 شاقى­­­­رىمىنان استامى جاڭعىر­تىل­دى.

اۆتوموبيل

ەلىمىزدە ەڭ جوعارى تاسىمال ءوسىمىن اۆتوكولىك كورسەتىپ وتىر. بيىل اۆتوموبيل جولدارىندا ءتۇرلى جول-قۇرىلىس جۇمىستارىمەن 8 254 كم قامتىلادى. 994 شاقى­رىم قايتا جاڭارتىلىپ, 390 شاقىرىم جول كۇردەلى جوندەۋدەن وتەدى. سونداي-اق 6 900 شاقىرىمعا ورتاشا جوندەۋ جاسالادى.

اۆتوموبيل پۋنكتتەرى دە ۇلكەن ماڭىز­عا يە. مەملەكەتتىك شەكارا بويىندا 52 وتكىزۋ پۋنكتتى ورنالاسقان. بىلتىر 9 وتكىزۋ پۋنكتتىن رەكونسترۋكتسيالاۋ جۇمىسى جۇر­­­­­گى­­زىلدى. بيىل قوسىمشا 6 وتكىزۋ پۋنكتتىن مودەرنيزاتسيالاۋ جۇمىسى باستالادى. قالعان 30 وتكىزۋ پۋنكتتى كەزەڭ-كەزەڭىمەن 2026 جىلدان باستاپ جاڭعىرتۋدان وتەدى. پۋنكت­تەردى تولىق جاڭعىرتۋ وتكىزۋ قابى­لەتىن تاۋلىگىنە 100 مىڭنان 200 مىڭ كو­­­لىككە دەيىن ۇلعايتۋعا ىقپال ەتەدى.

اۆياتسيا

2023 جىلى اۋەجايلاردا 150 مىڭ توننا جۇك وڭدەلدى. قازىر 2028 جىلعا دەيىن اۋەجايلاردا وڭدەلگەن جۇك كولەمىن 2 ەسە ۇلعايتۋ جۇمىسى پىسىقتالىپ جاتىر. بۇل كورسەتكىشتى 2030 جىلعا قاراي 500 مىڭ تونناعا جەتكىزۋ جوسپارلاندى.

بۇگىندە پەرسپەكتيۆالى مۋلتيمودالدى اۋە حابتاردىڭ ءبىرى – اقتاۋ اۋەجايى. ونىڭ نەگىزگى ارتىقشىلىعى – بارلىق كولىك تۇرىنە قولجەتىمدىلىگى جانە ەۋروپاعا 3 ساعاتتىق جاقىن جەردە ورنالاسۋى. جۇك اۋەحابىمەن قاتار YDA, «Turkish Technic» پەن ASFAT كومپانياسى اۋەجاي اۋماعىندا ۇشاقتارعا تەحنيكالىق قىزمەت كورسەتۋ مەن وقۋ ورتالىقتارىن سالۋدى جوسپارلاپ وتىر. ورتالىق قازاقستان, رەسەي, ورتالىق ازيا ەلدەرىنىڭ ازاماتتىق جانە اسكە­ري ۇشاقتارىن قامتيدى. وسى شارالاردىڭ ناتي­جەسىندە اۋە­­جايدىڭ جۇك تاسىمالداۋ قۋاتى جىلىنا 200 مىڭ تونناعا دەيىن, ال اۋەجايدىڭ جىلدىق اينالىمى 520 ملرد تەڭگەگە دەيىن ارتادى.

تسيفرلاندىرۋ

تەمىرجول سالاسىندا PSA كومپانياسىمەن بىرگە كەدەندىك جانە ترانزيتتىك بيزنەس-ۇدەرىستەر تسيفرلانىپ, «Wabtec», «Huawei» كومپانيالارىمەن بىرگە جاساندى ينتەللەكت تەحنولوگياسى ەنگىزىلىپ جاتىر. لوگيستيكانى وڭتايلاندىرۋ ءۇشىن ء«بىر تەرەزە» فورماتى جۇمىس ىستەپ تۇر. اۆتوموبيل تاسىمالى باعىتىندا 2024 جىلدان باستاپ ەلەكتروندى رۇقسات بلانكىن الماسۋ مەن كولىك قۇجاتىن باسقارۋدىڭ بىرىڭعاي جۇيەسى ەنگىزىلدى. جەر­گىلىكتى اكىمدىكتەرمەن بىرگە 20 اۆتو­ماتتاندىرىلعان ولشەۋ ستانساسى ورناتىلىپ, «e-Joldar» جۇيەسى جاساقتالىپ جاتىر.

2029 جىلعا قاراي كولىك ينفرا­­­قۇرى­لى­مىنىڭ دامۋى ەسەبىنەن ترانزيتتىك تاسىمال ايتارلىقتاي وسپەك. تەمىرجولدا ترانزيتتىك تاسىمالدى 65%-عا (45 ملن توننا) ۇلعايتۋ, كونتەينەرلىك تاسىمالدى 54%-عا ارتتىرىپ, 2 ملن كونتەينەر مەجەسىن باعىن­دى­رۋ كوزدەلىپ وتىر. اۆتو­كولىك ءترانزيتىنىڭ كولەمى 6 ەسە – 29 ملن تونناعا دەيىن وسەدى. اۋە تاسىمالىمەن ترانزيت كولەمى 2 ەسە ۇلعايىپ, 300 مىڭ تونناعا جەتپەك.