وسى جىلعى كوكتەم قازاقستان حالقى ءۇشىن سىناقپەن باستالىپ, ەلىمىزدىڭ سولتۇستىگى مەن باتىس ايماعىن قارعىن سۋ الىپ كەتكەن ەدى. حالقىمىز بۇل قاۋىپتى جۇرت بولىپ جۇمىلىپ سەيىلتتى. سىندارلى كەزەڭدە سۋ تاسقىنىنان زارداپ شەككەن ايماقتارعا, وزگە وڭىرلەر گۋمانيتارلىق كومەك جونەلتىپ, جىلۋ جيناپ, ەرىكتىلەر بەلسەندى قىزمەت ەتتى, دەپ جازادى Egemen.kz.
جاردەم كەرۋەنىنە سۋ تاسقىنان زارداپ شەككەن ءوڭىر تۇرعىندارىنا قاجەت كيىم-كەشەك, اس-سۋ, سانيتارلىق-گيگەنيالىق زاتتار مەن كورپە-كوپشىك, ءدارى-دارمەكتەر جەتكىزىلدى.
مەملەكەتتىك - كۇشتىك قۇرىلىمدار دا قاراپ قالمادى. اسكەريلەر سۋ باسقان وڭىرلەردى ارشۋ, قۇتقارۋ جۇمىسىنا بىلەك تۇرە ارالاستى. توتەنشە جاعدايلار مينيسترلىگىنىڭ تىكۇشاقتارى ارقىلى شالعاي اۋىلدارعا قاجەت تۇرمىستىق زاتتار مەن كۇرەك, قاپ, ماتورلى قايىق سىندى قۇرالدار تاسىمالداندى.
تجم كوكتەمگى سۋ تاسقىنى تۇسىندا رەسپۋبليكا بويىنشا 8 189 تۇرعىن ءۇي مەن 2 988 اۋلا اۋماعىنان سۋدىڭ باعىتى بۇرىلىپ, سۋ سورىلعانىن حابارلادى.
ال زارداپ شەككەن وڭىرلەرگە اۋە, تەمىرجول جانە اۆتوكولىكپەن 7 مىڭعا جۋىق توننا گۋمانيتارلىق كومەك جەتكىزىلگەن.
ەرىكتى بولۋ - جۇرەك قالاۋى
بيىل شىلدە ايىندا مادەنيەت جانە اقپارات مينيسترلىگى «ۇلتتىق ۆولونتەرلەر جەلىسى» زتب-مەن بىرلەسىپ, «يگى ىستەر مارافونى» جوباسىن جۇزەگە اسىردى. بۇل بىرەگەي جوبا وتانداستارىمىزدىڭ ۆولونتەرلىك, قايىرىمدىلىق ىسپەن اينالىسۋىنا ىقپال ەتتى. جوبا اياسىندا كۇنتىزبەدەگى ماڭىزدى كۇندەرگە, حالىقارالىق جانە ءتۇرلى الەۋمەتتىك جانە مادەني تاقىرىپتارعا ارنالعان «جاقسىلىق اپتالىعى» مەن جىل سايىنعى تاقىرىپتىق ءىس-شارالار وتكىزىلدى. جالپىۇلتتىق جوبا اياسىندا ەل ازاماتتارى 4000-نان اسا يگى ءىس جاساعان. قايىرىمدىلىق شارالارى ەكولوگيا, ينكليۋزيا سىندى ءتۇرلى باعىتتى قامتىعان. مارافون 2024 جىلعى 1 جەلتوقسانعا دەيىن جالعاستى.
«ارداگەرلەردى ارداقتايىق»
«ارداگەرلەردى ارداقتايىق» Amanat پارتياسىنىڭ جوباسى وڭىرلەردە ءساتتى جۇزەگە اسىپ جاتىر. جوبا اعا بۋىن وكىلدەرىنە, زەينەتكەرلەرگە, ەڭبەك جانە تىل ارداگەرلەرىنە قۇرمەت كورسەتۋگە باعىتتالعان. قىسقى كۇندەرى بەلسەندىلەر ارداگەرلەر مەن جالعىزباستى قارتتاردىڭ ۇيلەرى مەن اۋلالارىن تازالاپ, كومەك كورسەتەدى. سونىمەن قاتار, بەلسەندىلەر ارداگەرلەردىڭ جاعدايىن ءبىلىپ, ازىق-ت ۇلىك سەبەتتەرىن تابىستاپ, مەكەنجايلىق كومەك ۇيىمداستىرادى. جوبا اياسىندا قارتتارعا تەگىن مەديتسينالىق كومەك تە كورسەتۋ داستۇرگە اينالعان.
«مەكتەپكە جول اكتسياسى»
«مەكتەپكە جول» رەسپۋبليكالىق اكتسياسى مەكتەپ وقۋشىلارىن جالپىعا بىردەي مىندەتتى بىلىممەن قامتاماسىز ەتۋ ماقساتىندا 2024 جىلدىڭ 1 تامىز - 30 قىركۇيەك ارالىعىندا وتكىزىلەدى.
قازاقستان رەسپۋبليكاسىنىڭ ءاربىر ازاماتى حالىقتىڭ الەۋمەتتىك وسال توپتارىنان شىققان بالالاردى مەكتەپكە دايىنداۋدا اتاۋلى كومەك كورسەتۋدە ازاماتتىق بەلسەندىلىك تانىتا الادى, ءاربىر بالاعا شىنايى قامقورلىق پەن نازار اۋدارىلادى.
اكتسيانىڭ از قامتىلعان جانە كوپ بالالى وتباسىلاردان شىققان وقۋشىلارعا, جەتىم بالالارعا, سونداي-اق اتا-اناسىنىڭ قامقورلىعىنسىز قالعان بالالارعا وقۋ جىلىنىڭ باستالۋىنا دايىندىق كەزىندە ماتەريالدىق قولداۋ كورسەتۋ جانە الەۋمەتتىك سەبەپتەر بويىنشا بالالاردىڭ مەكتەپكە كەلمەۋىنىڭ الدىن الۋدى كوزدەيدى. بيىلعى وقۋ جىلىندا دا بۇل يگى شارا جالعاسىپ, تالاي وقۋشىنىڭ قاتارىنان قالماي مەكتەپ تابالدىرىعىن اتتاۋىنا سەپ بولدى.
«Halyk» بانك ۇيىتقى بولعان يگى ىستەر
Halyk بانك 100 جىلدىق مەرەيتويى اياسىندا جىل بويى بۇكىل قازاقستان اۋماعىندا دەنساۋلىق, ءبىلىم بەرۋ, مادەنيەت جانە ەكولوگيا سالاسىندا قوعامدىق ماڭىزى بار جوبالار مەن الەۋمەتتىك باستامالاردى ىسكە اسىردى. «100 يگى ءىس» اكتسياسى اياسىندا Halyk بانك الماتى مەن استاناداعى جەكە ۇيلەردى گازداندىرۋعا ۇلەس قوستى.
بىلتىر قازاقستاندىقتارعا سىيلىق رەتىندە كوپتەگەن ويىن-ساۋىق, الەۋمەتتىك-مادەني جانە سپورتتىق ءىس-شارالار ۇيىمداستىردى. ونىڭ ىشىندە ءاز-ناۋرىزدى اتاپ وتۋگە ەرەكشە ەكشەۋگە تۇرارلىق.
قوستاناي وبلىسى جىتىقارا اۋدانىندا ينۆاتاكسي جۇرۋىنە دە بانك سەپ بولدى. بۇل قىزمەت ءتۇرى «100 يگى ءىس» كەڭ اۋقىمدى اكتسياسى اياسىندا جىتىقاراداعى «مۇگەدەكتەر دوستاستىعى» قوعامدىق بىرلەستىگى مەن «قازاقستان حالىق بانكى» اق وبلىستىق فيليالىنىڭ قولداۋىمەن جۇزەگە استى.
بانك ارالاسىپ حالىق يگىلىگىنە بەرىلگەن الەۋمەتتىك نىساندار دا تۇرعىنداردى قۋانتقانىن اتاپ وتكەن ءجون.