ەلىمىزدىڭ ءبىرىنشى راكەتكاسى ەلەنا رىباكينا اۋستراليادا جالاۋىن جەلبىرەتكەن United Cup ءتۋرنيرىن جەڭىسپەن باستادى, دەپ جازادى Egemen.kz ۇلتتىق وليمپيادالىق كوميتەتكە سىلتەمە جاساپ.
ارالاس كوماندالار اراسىنداعى باسەكەدە ەلەنا رىباكينا يسپاندىق تەننيسشى دجەسسيكا بۋزاس مانەيروعا قارسى (54-ورىن) سىنعا ءتۇستى. ناتيجەسىندە رىباكينا ەكى سەتتە (6:2, 6:3) جەڭىسكە جەتىپ, قازاقستان مەن يسپانيا اراسىنداعى ەسەپتى تەڭەستىردى (1:1).
بۇعان دەيىن الەكساندر شەۆچەنكو پابلو كاررەنو-بۋستەگە ەكى سەتتە (2:6, 1:6) ەسە جىبەرگەن ەدى.
2025 جىلدىڭ 5 قاڭتارىنا دەيىن جالعاساتىن تۋرنيردە وتانداستارىمىز «س» توبىنا ءتۇسىپ, يسپانيا جانە گرەتسيا قۇرامالارىمەن باق سىناسادى. تۋرنيردە ۇلتتىق قۇراما ساپىندا ەلەنا رىباكينا, جىبەك قۇلامباەۆا, الەكساندر شەۆچەنكو, دميتري پوپكو جانە كوماندانىڭ كاپيتانى الەكساندر نەدوۆەسوۆ ونەر كورسەتەدى.