2023 جىلى وتاندىق «QVM Technology», «Ordabasy Group» جانە «ەرۆيرا» كومپانيالارى گرۋزيالىق «Olive Georgia» كومپانياسىمەن بىرلەسىپ, جەتىسۋ, تۇركىستان جانە ماڭعىستاۋ وبلىستارىندا ءزايتۇن اعاشتارىنىڭ كوشەتتەرىن تاجىريبەلىك وتىرعىزۋ تۋرالى كەلىسىمگە قول قويدى, دەپ حابارلايدى Egemen.kz.
العاشقى 6080 كوشەت وتىرعىزىلدى. الدىن الا مالىمەت بويىنشا, كوشەتتەردىڭ 99,7%-ى جاقسى ومىرشەڭدىك دەڭگەيىن كورسەتتى. العاشقى ءونىمدى 5 جىلدان كەيىن جيناۋ جوسپارلانىپ وتىر.
2024 جىلدىڭ كوكتەمىندە يسپانيا مەن تۇركيادان اكەلىنگەن كوشەتتەر وتىرعىزىلدى.
2025 جىلدىڭ سوڭىنا دەيىن وتاندىق كومپانيالار 1000 گەكتار اۋماققا ءزايتۇن اعاشتارىنىڭ كوشەتتەرىن وتىرعىزۋدى جوسپارلاپ وتىر.
جوبا اياسىندا عىلىمي قولداۋ كورسەتۋ قاراستىرىلعان: يسپانيانىڭ كوردوۆا ۋنيۆەرسيتەتىنىڭ پروفەسسورى پابلو مورەللونىڭ جەتەكشىلىگىمەن توپىراق, كليمات, مەتەورولوگيالىق دەرەكتەردى جيناۋ جانە تالداۋ جۇمىستارى جۇرگىزىلەدى.
«QVM Technology» جشس 2030 جىلعا قاراي ءزايتۇن وڭدەۋ جانە ءزايتۇن مايىن ءوندىرۋ زاۋىتىن ىسكە قوسۋدى جوسپارلاپ وتىر.