17 جەلتوقسان كۇنى الماتى قالاسى Mega ويىن-ساۋىق ورتالىعىندا Disney ستۋدياسىنىڭ «مۋفاسا. ارىستان پاتشا» انيماتسيالىق ءفيلمىنىڭ گالا-تۇساۋكەسەرى وتەدى, دەپ حابارلايدى Egemen.kz.
كورسەتىلىمگە ءتىل جاناشىرلارى, قوعام قايراتكەرلەرى مەن دەپۋتاتتار, دۋبلياج اكتەرلارى, جۋرناليستەر مەن بلوگەرلەر قاتىسادى.
«قازاق ءتىلى» قوعامىنىڭ ۇيىتقى بولۋىمەن بيىلدان باستاپ ءىرى حالىقارالىق ستۋديالار الەمدىك پرەمەرالارىن قازاق تىلىندە ۇسىنا باستادى. وسى باستاما اياسىندا Disney ستۋدياسى بيىل «ويجۇمباق 2», «موانا 2», «مۋفاسا. ارىستان پاتشا» دەپ اتالاتىن ءۇش ءفيلمىن قازاق تىلىنە اۋدارىپ, دۋبلياج جۇمىستارىن قارجىلاندىردى.
قازاق ءتىلىنىڭ ءىرى حالىقارالىق ستۋديالار ءوز قاراجاتىمەن قولدايتىن تىلدەردىڭ قاتارىنا قوسىلۋى – ءتىلىمىزدىڭ دامۋى ءۇشىن وتە ماڭىزدى وقيعا.
ايتا كەتەيىك, «ويجۇمباق 2», «موانا 2» تۋىندىلارىنىڭ قازاق تىلىندەگى دۋبلياجى كاسسالىق تابىس ۇلەسى بويىنشا جاڭا رەكوردتار ورناتتى.