الماتى وبلىسىندا ءۇش اۋىسىمدى مەكتەپتەردىڭ ماسەلەسى قالاي شەشىلىپ جاتىر

اكىمنىڭ مالىمەتىنشە, «جايلى مەكتەپتەر» ۇلتتىق جوباسى اياسىندا بيىل 24,9 مىڭ ورىندىق 26 مەكتەپتىڭ قۇرىلىسى باستالعان. جىل باسىنان بەرى 9 مىڭ ورىندىق 9 مەكتەپ, ونىڭ ىشىندە بولات وتەمۇراتوۆ قورى قارجىلاندىرعان ەكى مەكتەپ پەن ەڭبەكشىقازاق اۋدانىندا «التىن ادام» سەرىكتەستىگىنىڭ جەكە ينۆەستيتسياسىمەن سالىنعان ءبىر جارىم مىڭ ورىندىق مەكتەپ وقۋشىلارعا ءبىلىم بەرۋگە كىرىسكەن.

مارات سۇلتانعازيەۆ ورتالىق كوممۋنيكاتسيالار الاڭىندا جىل سوڭىنا دەيىن 6,3 مىڭ ورىندىق تاعى بەس وقۋ ورنىن پايدالانۋعا بەرۋ جوسپارلانىپ وتىرعانىنا نازار اۋداردى.

«سوڭعى ءۇش جىلدا ءبىلىم سالاسىنا 965 ميلليارد تەڭگە ءبولىندى. 78 مەكتەپ جاڭارتىلدى, ونىڭ 62-ءسى كۇردەلى جوندەۋدەن ءوتتى. بىلتىردان بەرى 143 مىڭ وقۋشى تەگىن ىستىق تاماقپەن قامتىلعان. قابىلدانعان شارالاردىڭ ارقاسىندا ءبىلىم ساپاسىنىڭ دەڭگەيى 66,4 پايىزدان 67,9 پايىزعا كوتەرىلدى, دەپ اتاپ ءوتتى مارات سۇلتانعازيەۆ. سونداي-اق مەكتەپكە دەيىنگى مەكەمەلەردە ساباققا قاتىسۋدى تىركەۋدىڭ QR-كود جۇيەسىن ەنگىزۋ 800 ميلليون بيۋدجەت قاراجاتىن ۇنەمدەۋگە مۇمكىندىك بەردى», دەدى مارات سۇلتانعازيەۆ.