«قازگيدرومەت» 10-12 جەلتوقسانعا ارنالعان اۋا رايى بولجامىن جاريالادى, دەپ حابارلايدى Egemen.kz.
سينوپتيكتەردىڭ بولجامى بويىنشا, اپتانىڭ باسىندا سولتۇستىك تسيكلون جىراسىنا بايلانىستى رەسپۋبليكانىڭ كوپ بولىگىندە اۋا رايى قۇبىلمالى بولادى. قار جاۋىپ, بوران سوعادى.
ەلدىڭ باتىسىندا جاۋىن-شاشىن (جاڭبىر, قار) جانە كوكتايعاق بولادى. ەلدىڭ وڭتۇستىگىندە كەڭ انتيتسيكلوننىڭ اسەرىنەن جاۋىن-شاشىنسىز اۋا رايى ساقتالادى.
اۋا تەمپەراتۋراسى بىرتىندەپ جوعارىلايدى. تۇندە ەلدىڭ باتىسىندا, سولتۇستىك-باتىسىندا, سولتۇستىگىندە, قازاقستاننىڭ ورتالىعىندا, رەسپۋبليكانىڭ شىعىسىندا, وڭتۇستىك-شىعىسىندا, وڭتۇستىك وبلىستاردا اياز بولادى.