باتىس قازاقستان وبلىسىندا سوت 76 جاستاعى ازاماتشا ت.-نىڭ تۇرعىن ءۇيى مەن جەر ۋچاسكەسىن سىيعا تارتۋ كەلىسىم-شارتىن جارامسىز دەپ تانىپ, ونىڭ قۇقىقتارىن قالپىنا كەلتىردى, دەپ حابارلايدى Egemen.kz.
سوتقا ت. ەسىمدى زەينەتكەر ءۇيدى سىيعا تارتۋ تۋرالى كەلىسىم-شارتتى جارامسىز دەپ تانۋ ءۇشىن جۇگىنگەن. تەرگەۋ بارىسىندا ونىڭ اۋىر جاعدايعا قاراماستان, كەلىسىمگە ءماجبۇر بولعانى انىقتالدى.
2024 جىلى ت. وكپە پنەۆمونياسى, مي قان اينالىمىنىڭ بۇزىلۋى جانە باسقا دا اۋىر دياگنوزدارمەن اۋداندىق اۋرۋحانانىڭ جانساقتاۋ بولىمىندە جاتقان. وسى كەزدە قىزى ا.-نىڭ تالابىمەن ايەل اۋرۋحانادان بەيسانالىق كۇيدە شىعارىلىپ, استانا قالاسىنا جەتكىزىلگەن.
قىزى وسى جاعدايدى پايدالانىپ, ت.-نىڭ جالعىز تۇرعىن ءۇيىن كامەلەتكە تولماعان ۇلىنا سىيعا تارتۋ كەلىسىمىن راسىمدەگەن. ناتيجەسىندە, ت. ءوزىنىڭ ءۇيى مەن جەر ۋچاسكەسىنەن ايىرىلعان.
«سوت تالقىلاۋى بارىسىندا كەلەسى دەرەكتەر نەگىزگە الىندى: ت.-نىڭ دەنساۋلىق جاعدايى اۋىر بولعان, ول كەلىسىم-شارت جاسالعان ساتتە ءوزىنىڭ ءىس-ارەكەتىن تۇسىنۋگە قابىلەتسىز ەدى; جاۋاپكەرلەر ت.-نىڭ دەنساۋلىق جاعدايىن پايدالانىپ, ونىڭ ەركىنەن تىس ارەكەت ەتكەن; بۇل كەلىسىم ت.-نىڭ مەنشىك قۇقىعىن ورەسكەل بۇزدى», دەلىنگەن حابارلامادا.
سوت ازاماتشا ت.-نىڭ پايداسىنا شەشىم شىعارىپ, تۇرعىن ءۇي مەن جەر ۋچاسكەسىن قايتارۋعا قاۋلى ەتتى.