ازيا چەمپيوناتى: ساعىندىق توعامباي قارسىلاسىن جەڭدى

جەكپە-جەك 92 كەلىگە دەيىنگى سالماق دارەجەسىندە ءوتتى. قازاقستاندىق بوكسشى 5:0 ەسەبىمەن سەنىمدى تۇردە جەڭىسكە جەتتى.

ايتا كەتەيىك, توعامبايدىڭ ماديار سايدراحيموۆقا قارسى جەكپە-جەگى قازاقستان مەن وزبەكستان وكىلدەرىنىڭ وسى تۋرنيردەگى ءتورتىنشى كەزدەسۋى بولدى.

بۇعان دەيىن بەيبارىس جەكسەن 1/8 فينالدا ءدىلشود ابدۋمۋرودوۆتى, 1/4 فينالدا ايدا ابىكەەۆا دەلفۋزا بەكوۆانى جەڭگەن بولاتىن.

سونىمەن بىرگە, بۇگىن ساكەن بيبوسىنوۆ جارتىلاي فينال ءۇشىن بەلدەسۋدە اسىلبەك جاليلوۆقا ەسە جىبەرگەن ەدى.

تاعى ءبىر شيرەك فينالدىق كەزدەسۋدە پاريج وليمپياداسىنىڭ قاتىسۋشىسى مۇحاممەدسابىر بازارباي ۇلى (63,5 كەلىگە دەيىن) تايلاندتىق سومچاي ۆونگۆۋساننان تورەشىنىڭ شەشىمىمەن جەڭىلىپ قالدى (1:4). بازارباي ۇلىنىڭ جەڭىلىسى قازاقستان ەرلەر قۇراماسى ءۇشىن تۋرنيردەگى ءۇشىنشى جەڭىلىسى بولدى.ازيا چەمپيوناتىنان ءبىرىنشى بولىپ بوكسشى بەيبارىس جەكسەن شىقتى. ول 1/4 فينالدا تاجىكستاندىق اكمال ۋبايدوۆتان ۇتىلىپ قالدى, ەلگە ەكىنشى ورالعان ەل وكىلى ساكەن بيبوسىنوۆ بولدى.

بوكستان ازيا چەمپيوناتى چيانگمايدا (تايلاند) 30 قاراشادا ءوتىپ, 11 جەلتوقساندا اياقتالادى.