اقتوبە وبلىسى تەمىر اۋداندىق پروكۋراتۋراسى «شۇبارقۇدىق جىلۋ» كمك-ءنىڭ 87 جۇمىسشىسىنا 8,5 ملن تەڭگەدەن استام جالاقى تولەنبەگەنىن انىقتادى, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
پروكۋراتۋرانىڭ قاداعالاۋ اكتىسىمەن ەڭبەك ينسپەكتسياسى «شۇبارقۇدىق جىلۋ» كمك-ىن قر اقبتك-ءنىڭ 87-بابى بويىنشا اكىمشىلىك جاۋاپكەرشىلىككە تارتىپ, بەرەشەكتى مىندەتتى تۇردە وتەۋ تۋرالى ۇيعارىم شىعارعان.
«ناتيجەسىندە كورسەتىلگەن بەرەشەك تولىعىمەن وتەلدى. جاعداي وبلىستىق پروكۋراتۋرانىڭ باقىلاۋىنا الىنعان», دەلىنگەن حابارلامادا.