جەتىسۋ وبلىسىنىڭ پوليتسەيلەرى پروكۋراتۋرانىڭ ۇيلەستىرۋىمەن قۇرامىندا شەتەل ازاماتتارى بار ۇيىمداسقان الاياقتار توبىن ۇستادى, دەپ حابارلايدى Egemen.ءkz تىلشىسى وبلىستىق پروكۋراتۋراعا سىلتەمە جاساپ.
قىلمىستىق نيەتتەرىنە قول جەتكىزۋ ءۇشىن ولار ءارتۇرلى الداۋ سحەمالارى مەن زاماناۋي تەحنولوگيالاردى, ياعني قاشىقتان قول جەتكىزۋ قولدانبالارىن (AnyDesk, Kenguru, Teamviewer) جانە ت.ب. پايدالانعان. توپتىڭ ءوزىنىڭ «قولما-قول اقشا شەشۋ ورتالىعى» بار, ول دروپپەرلەردى پايدالانىپ, قاراجاتتى كريپتوۆاليۋتاعا اۋدارىپ وتىرعان.
«4 ادامنان تۇراتىن توپ, شەتەلدىك ازاماتتارمەن بىرلەسە وتىرىپ, ءبىزدىڭ وبلىستىڭ جۇزدەن استام تۇرعىنىن الداعان, ولار 100 ميلليون تەڭگەدەن استام شىعىنعا ۇشىراعان», دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
ولاردىڭ تۇرعىلىقتى جەرىن ءتىنتۋ كەزىندە 35 ۇيالى تەلەفون, 3 جۇيەلىك بلوك, 3 نوۋتبۋك, 2 پنەۆماتيكالىق تاپانشا جانە قىمبات نومىرلەرى بار 3 ليۋكس كولىك تاركىلەنگەن. توپتىڭ 4 مۇشەسىنە قاتىستى سوتقا دەيىنگى تەرگەپ-تەكسەرۋ جۇرگىزىلىپ جاتىر.
قىلمىس جاساعانى ءۇشىن كۇدىكتىلەر مۇلكىن تاركىلەي وتىرىپ, جەتى جىلعا دەيىن باس بوستاندىعىنان ايىرۋ تۇرىندەگى جازاعا تارتىلۋى مۇمكىن.