University Medical Center-دەگى وتاندىق كارديوحيرۋرگتار كومانداسى ورگانيزمنەن تىس اعزالاردى ساقتاۋ ءۇشىن بىرەگەي قۇرىلعى ازىرلەپ جاتىر, دەپ حابارلايدى Egemen.kz دەنساۋلىق ساقتاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
ايتا كەتەيىك, جوبا شەڭبەرىندە ماماندار سوعىپ تۇرعان جۇرەكتى, سونداي-اق «تىنىس الاتىن» وكپەنى جانە جۇمىس ىستەيتىن باۋىردى ساقتاۋ ءۇشىن تەحنولوگيالاردى ازىرلەپ جاتىر. بولاشاقتا بۇيرەكتى ساقتاۋ دا جوسپارلانعان. اعزانى ومىرشەڭ كۇيىندە كەم دەگەندە 24 ساعات ساقتاۋعا بولادى.
ۆەدومستۆونىڭ مالىمەتىنشە, ورگانيزمنەن تىس جۇرەك قىزمەتى 29 ساعات بويى ساقتالۋى مۇمكىن ەكەندىگى, كەيىن ءساتتى ترانسپلانتاتتالاتىنى عىلىمي دالەلدەنگەن. بۇگىنگى تاڭدا تەك ءبىر قۇرىلعى - Transmedics كومپانياسىنىڭ امەريكاندىق OCS جۇيەسى اعزالاردىڭ ومىرشەڭدىگىن قاۋىپسىز جانە ءتيىمدى ساقتاۋعا مۇمكىندىك بەرەدى.
ء«بىزدىڭ قۇرىلعىمىزدىڭ امەريكاندىقتان باستى ايىرماشىلىعى - بۇل وقشاۋلانعان اعزاعا ۇزاق قولداۋدى بىلدىرەدى جانە ءبىزدىڭ جۇيەدە اعزادان تىس تىرشىلىك ەتۋ كەزەڭىندە اعزانى ەمدەۋ كوزدەلگەن جانە ءبىز بۇل اعزانى ۋلترادىبىستىق, تامىرىشىلىك ارتەريالىق زەرتتەۋ ارقىلى ەمدەي الامىز, باعالاي الامىز, بۇل جۇرەكتى نارلەندىرەدى جانە وسىلايشا رەتسيپيەنتتىڭ اعزاعا يە بولۋىن جانە ترانسپلانتاتتاۋدان باس تارتۋ نەمەسە ديسفۋنكتسيا قاۋپىنىڭ بولماۋىن جانە ەڭ باستىسى قاۋىپسىز بولۋىن قامتاماسىز ەتەدى», دەدى «University Medical Center» كورپوراتيۆتىك قورىنىڭ «كارديوحيرۋرگيا» كلينيكالىق اكادەميالىق دەپارتامەنتىنىڭ ديرەكتورى تيمۋر لەسبەكوۆ.