وسكەمەن. 30 ءساۋىر. شىعىس قازاقستاننىڭ زىريان اۋدانىنداعى بىرقاتار ەلدى-مەكەندەرگە گۋمانيتارلىق كومەك كورسەتىلدى. بۇل تۋرالى egemen.kz حابارلادى.
زىريان اۋدانىنا قاراستى زۋبوۆسك, مالەەۆسك, پۋتينتسەۆو, پارىگينو, بايانوۆسك, بىكوۆو جانە سنەگيروۆو اۋىلدارى تاسقىن سۋدان ايتارلىقتاي زارداپ شەكتى. وسىعان وراي شىعىس قازاقستان وبلىسىنىڭ اكىمى دانيال احمەتوۆتىڭ تاپسىرماسىمەن جاعدايدى باقىلاۋ جونىندەگى جۇمىس توبى قۇرىلدى.
ايماق باسشىسىنىڭ تاپسىرماسىمەن توپ جەتەكشىسى ديميتري گاريكوۆ سۋ استىندا قالعان ەلدى-مەكەندەردى تىكۇشاقپەن ارالاپ كورىپ, بارلىق ينجەنەرلىك قۇرىلعىلاردى تەكسەرىپ شىقتى.
ديميتري گاريكوۆتىڭ ايتۋىنشا, اۋدانداعى توعان ءوز مىندەتىن اتقارعانىمەن, ونداعى جينالعان سۋ دەڭگەيى قاۋىپتى مولشەردەن اسىپ كەتكەن.
بۇگىندە زىريان اۋدانىندا تۇرعىنداردى كوشىرۋ جانە سۋ باسقان ايماقتى قالپىنا كەلتىرۋ ءۇشىن 230 ادام مەن 50 تەحنيكا جۇمىس ىستەۋدە. ولارعا جەرگىلىكتى تۇرعىندار دا كومەكتەسىپ جاتىر.
ايتا كەتەيىك, وڭىردە تاسقىننان زارداپ شەككەن اۋدان تۇرعىندارىنا گۋمانيتارلىق كومەك رەتىندە 60 توننادان استام تاۋارلار مەن ازىق-ت ۇلىك تيەلگەن العاشقى اۆتوكەرۋەن جونەلتىلدى. اۆتوكەرۋەندى جاساقتاۋعا وسكەمەن قالاسى مەن كۇرشىم, ۇلان, گلۋبوكوە, شەمونايحا, كاتونقاراعاي اۋداندارىنىڭ كاسىپكەرلەرى بەلسەندى كومەكتەسكەن.
دۋمان اناش.
دەرەك, سۋرەت: egemen.kz.