مەملەكەتتىك م ۇلىكتى قايتا ءبولۋ مەن بيۋدجەت قاراجاتىن ۇنەمدەۋ ماقساتىندا «Tapsyru» سەرۆيسى ىسكە قوسىلدى. ازىرگە قاناتقاقتى رەجىمدە جۇمىس ىستەيدى.
پلاتفورما ۇيىمدارعا بالانستان بالانسقا جەتۋ ءراسىمىن ءساتتى جۇرگىزەدى. بىرلەسكەن شارتتار تەتىگىن ودان ءارى جەڭىلدەتىپ, تالاپ ەتىلمەگەن مۇلىكتىڭ بىرىڭعاي ءتىزىلىمىن قالىپتاستىرادى. قازىر «Tapsyru» سەرۆيسىنە 700-دەن استام قاتىسۋشى, 313 مىڭ اكتيۆ تىركەلىپ ۇلگەرگەن. ۇكىمەت باسشىسى ولجاس بەكتەنوۆتىڭ سوزىنشە, وسىنداي ماڭىزدى سالالاردىڭ تسيفرلانۋى – بيۋدجەت قاراجاتىن ۇتىمدى جوسپارلاۋعا كومەكتەسەدى. ءارى كولەڭكەلى ەكونوميكانى السىرەتىپ, جويادى.
وعان قوسا كەلەر جىلى «كاسىپكەردىڭ بىرىڭعاي جەكە كابينەتى» پورتالىن ىسكە قوسۋ جوسپاردا تۇر. ول مەملەكەتتىك ورگاندار مەن كاسىپكەرلەردىڭ ءوزارا ءىس-قيمىلىن جەڭىلدەتەدى. ناتيجەسىندە, سالىقتىق, كەدەندىك اكىمشىلەندىرۋدىڭ تيىمدىلىگى ارتىپ, بيۋدجەت قارجىسى ۇتىمدى جۇمسالماق. سونىمەن قاتار بيزنەس-جاعدايلاردى باسقارۋدى وڭتايلاندىرىپ, مەملەكەتتىك ورگاندار مەن كاسىپكەرلەر اراسىنداعى ءوزارا ءىس-قيمىل ۇدەرىستەرىن ۇتىمدى ەتپەك.
جالپى, قارجى سالاسىن تسيفرلاندىرۋ ءبىر ىزگە تۇسكەندەي. جوعارىدا ايتقان باستامالاردان بولەك, قارجى مينيسترلىگى «ونلاين بيۋدجەتتىك مونيتورينگ» جوباسىن ىسكە اسىرىپ جاتىر. ول مەملەكەتتىك بيۋدجەتتىڭ ورىندالۋىن قاداعالاپ, قاراجاتتى ءتيىمدى جوسپارلاپ, جۇمسالۋىن باقىلايدى. مىسالى, بۇرىن تەكسەرۋلەر «قولمەن باسقارۋ رەجىمىندە» جۇرگىزىلەتىن ەدى. قازىر جۇيەدە 150 ملن-نان استام تولەم اۆتوماتتى تۇردە وڭدەلىپ جاتىر. تۇسىندىرەر بولساق, ىشكى مەملەكەتتىك اۋديت كوميتەتى تولەمدەر بولىگىندە تاۋەكەلدىڭ الدىن الۋدى تالدايدى. وسىنىڭ ارقاسىندا بيۋدجەتكە 4 ملرد تەڭگە قاراجات قايتارىلدى.
دامىعان ەلدەر الدەقاشان وسىنداي سەرۆيستەردى پايدالانۋ ارقىلى ايتارلىقتاي پايداعا كەنەلگەن. ماسەلەن, اقش-تا «OpenGov» پلاتفورماسىنىڭ ارقاسىندا كەيبىر شتاتتار اكىمشىلىك شىعىنداردى 20%-عا دەيىن ازايتقان. گەرمانيا بولسا, «SAP Public Sector» جۇيەسى ارقىلى بيۋدجەتتى جوسپارلاۋ ۋاقىتىن قىسقارتىپ, جىلىنا ميلليونداعان ەۋرو ۇنەمدەگەن. ەگەر اتالعان جوبالار قولدانىسقا ءساتتى ەنەر بولسا, ءبىز دە وسى كوشكە ىلەسىپ قالارمىز.