پەداگوگ-اسسيستەنتتەر دايارلايدى

اتالعان مينيسترلىك ەرەكشە ءبىلىم بەرۋ قا­جەت­تىلىكتەرى بار بالا­­لارعا تەڭ مۇم­كىندىكتى قام­تا­ماسىز ەتۋ, مەكتەپتەردە ينكليۋ­زيۆتى ءبىلىم بەرۋ ورتاسىن قۇرۋ باعىتىندا بىرقاتار جۇ­مىس­­تى قولعا العان. وسى قا­دام­­نىڭ ءبىرى – پەداگوگ-اسسيستەنت مامان­دارىن دايارلاۋ.

قازىرگى تاڭدا پسيحولوگيالىق-مەدي­تسي­نا­لىق-پەداگوگيكالىق كەڭەس بەرۋ ەسە­بىندە (پمپك) ەرەكشە ءبىلىم بەرۋدى قاجەت ەتەتىن 203 مىڭ بالا بار. ولار 496 ارنايى ءبىلىم بەرۋ ۇيىمىندا وقيدى. ءبىلىم بەرۋ ۇيىمدارىندا ينكليۋزيۆتى ورتا قالىپتاستىرۋ ماقساتىندا ايتارلىقتاي جۇمىس جۇرگىزىلدى. ماسەلەن, ەرەكشە ءبىلىم بەرۋ قاجەتتىلىكتەرى بار بالالار ءۇشىن بالاباقشالاردىڭ 69%-دا, مەكتەپتەردىڭ 88%-دا جانە كوللەدجدەردىڭ 80%-دا جاعداي جاسالعان. مەكتەپتەردە 1 071 ارنايى جاساق­تالعان كابينەت جۇمىس ىستەيدى.

«ەلىمىزدىڭ مەكتەپتەرىندە «پەداگوگ-اسسيستەنت» لاۋازىمى ەنگىزىلىپ, ماماندار سانى ءبىر جىلدا 1 000-نان 2,5 مىڭعا دەيىن ارتتى. ەندى پەداگوگ-اسسيستەنت لاۋازىمىن مەكتەپكە دەيىنگى ۇيىمداردا ەنگىزۋ مۇمكىندىگى قاراستىرىلىپ وتىر. ەرەكشە ءبىلىم بەرۋ قاجەتتىلىكتەرى بار بالالارمەن 9 مىڭنان استام ارنايى پەداگوگ جۇمىس ىستەيدى. ماماندارعا دەگەن قاجەتتىلىكتى ەسكەرە وتىرىپ, كەلەسى وقۋ جىلىنان باس­تاپ, ەلىمىزدىڭ كول­لەدجدەرىندە «پەداگوگ-اسسيس­تەنتتەر» دايارلاۋ قولعا الىنادى», دەيدى ينكليۋزيۆتى جانە ارنايى ءبىلىم بەرۋ دەپارتامەنتىنىڭ ديرەكتورى لاۋرا بۇتاباەۆا.

وقۋ-اعارتۋ مينيسترلىگى ەرەكشە ءبىلىم بەرۋ قاجەتتىلىكتەرى بار بالالارعا ءبىلىم الۋ جاعدايىن جاقسارتۋ جانە بىلىكتى كادرلارمەن قامتاماسىز ەتۋ باعىتىنداعى جۇمىستاردى ءالى دە جالعاستىرا بەرمەك.