وزبەكستان استاناسىندا بانكومات ارقىلى جالعان بانكنوتتاردى ايىرباستادى دەگەن كۇدىكپەن ءۇش ازامات ۇستالعان. باس پروكۋراتۋرا جانىنداعى ەكونوميكالىق قىلمىسقا قارسى كۇرەس دەپارتامەنتىنىڭ مالىمەتىنشە, ولار 28 جالعان 50 دوللارلىق بانكنوتپەن وپەراتسيا جاساعان, دەپ حابارلايدى Egemen.kz.
وقيعا تاشكەنتتىڭ چيلانزار اۋدانىندا ورنالاسقان «يپاك يۋلي» بانك فيليالىنىڭ وتىنىشىنەن كەيىن انىقتالعان.
تەكسەرۋ بارىسىندا ازاماتتار ت.ت. (بۇرىن سوتتالعان), ن.و. جانە ا.ش. بانكومات ارقىلى جالعان بانكنوتتاردى ايىرباستاعان.
اتالعان فاكتى بويىنشا قىلمىستىق كودەكستىڭ 176-بابىنا سايكەس قىلمىستىق ءىس قوزعالعان. قازىرگى تاڭدا قۇقىق قورعاۋ ورگاندارى ءىستىڭ بارلىق ءمان-جايىن انىقتاۋ ماقساتىندا جەدەل-ىزدەستىرۋ شارالارىن جۇرگىزىپ جاتىر.