ءماجىلىس «2024-2026 جىلدارعا ارنالعان رەسپۋبليكالىق بيۋدجەت تۋرالى» زاڭعا ەنگىزىلەتىن تۇزەتۋلەردى قابىلدادى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
زاڭ جوباسى رەسپۋبليكالىق بيۋدجەت پارامەترلەرىنىڭ وزگەرۋىنە بايلانىستى ازىرلەنگەن. قازاقستان رەسپۋبليكاسىنىڭ 2024-2028 جىلدارعا ارنالعان الەۋمەتتىك-ەكونوميكالىق دامۋ بولجامىنا بيۋدجەت جانە ۇلتتىق قوردىڭ 2024 جىلعا ارنالعان پارامەترلەرىنىڭ بولجامىن ناقتىلاۋ ماقساتىمەن وزگەرىستەر ەنگىزىلگەن.
«ترانسفەرتتەر تۇسپەستەن 2024 جىلعا ارنالعان رەسپۋبليكالىق بيۋدجەت كىرىستەرىنىڭ ناقتىلانعان بولجامى 14,1 ترلن تەڭگە سوماسىندا ايقىندالدى, بۇل بەكىتىلگەن بولجامدى جوسپاردان 2 ترلن تەڭگەگە از. اتاپ ايتقاندا, سالىق تۇسىمدەرىنىڭ 3 تريلليون تەڭگەگە تومەندەۋى, سالىقتىق ەمەس تۇسىمدەردىڭ 1 تريلليون تەڭگەگە, ال نەگىزگى كاپيتالدى ساتۋدان تۇسەتىن تۇسىمدەردىڭ 3,3 ميلليارد تەڭگەگە ارتۋى بولجانىپ وتىر», دەلىنگەن حابارلامادا.
ناتيجەسىندە ۇلتتىق قوردان تۇسەتىن نىسانالى ترانسفەرت 2 ترلن تەڭگەگە ۇلعايىپ, 3,6 ترلن تەڭگە الۋ جوسپارلانعان. قاراجات وڭىرلىك ءوسۋ دەڭگەيىن ۇستاپ تۇرۋعا جانە ءجىو ءوسۋ قارقىنىنىڭ تومەندەۋ تاۋەكەلدەرى جاعدايىندا الەۋمەتتىك ماڭىزى بار جانە ستراتەگيالىق ماڭىزدى ينفراقۇرىلىمدىق جوبالاردى قارجىلاندىرۋعا باعىتتالاتىن بولادى.