تۇركىستان وبلىسىندا 2023 جىلدان باستاپ بانان وسىرەتىن بىرەگەي جىلىجاي كەشەنى جۇمىس ىستەيدى. جوبانى «GenGroupKazakhstan» كومپانياسى جۇزەگە اسىردى. ول زاماناۋي جىلىجايلاردى قۇرۋمەن اينالىسادى جانە ءارتۇرلى اۋىل جانە تروپيكالىق داقىلدارىن وسىرەدى, دەپ حابارلايدى Egemen.kz.
ينۆەستورلار تۇركيانىڭ اۋىل شارۋاشىلىعىن دامىتۋ تاجىريبەسىن زەرتتەدى. بۇل رەتتە كليماتتىق جاعدايلارعا توزىمدىلىك ماسەلەلەرىنە ەرەكشە نازار اۋدارىلدى. اۋا رايى جاعدايلارى مەن توپىراقتىڭ سيپاتتامالارىن مۇقيات تالداعاننان كەيىن تۇركىستان وبلىسىنىڭ سايرام اۋدانىندا بانان ءوسىرۋ تۋرالى شەشىم قابىلداندى.
5 گا القاپتاعى العاشقى جىلىجاي 2023 جىلدىڭ ماۋسىمىندا پايدالانۋعا بەرىلدى. 2024 جىلدىڭ مامىر ايىنىڭ سوڭىندا العاشقى ونىمدەر جينالدى.
قازىرگى ۋاقىتتا «GenGroupKazakhstan» كومپانياسى قىزاناق پەن قۇلپىناي وسىرەتىن جاڭا جىلىجاي كەشەنىن سالۋدى جوسپارلاپ وتىر. اۋدانى 6 گا جاڭا جىلىجايدىڭ قۋاتتىلىعى - 3 مىڭ توننا قىزاناق, 130 توننا قۇلپىناي وسىرۋگە قاراستىرىلعان. جوبانىڭ جالپى قۇنى 13,4 ملرد تەڭگەگە باعالانادى, ال جوبالاردى ىسكە اسىرۋ 2025 جىلدىڭ سوڭىنا دەيىن اياقتالادى.
سونداي-اق, قازىرگى ۋاقىتتا 10 گا اشىق جەرگە مانگو, اۆوكادو جانە كوكجيدەك ءوسىرۋ جوباسى ازىرلەنۋدە.