استانادا اقشانى جىلىستاتۋعا قارسى جۇيە ماماندارىنا ارنالعان سەمينار ءوتىپ جاتىر, دەپ حابارلايدى Egemen.kz.
ءىس-شارا «ەگمونت» توبىنىڭ (ECOFEL) قارجىلىق بارلاۋ بولىمشەلەرىنىڭ (قبب) وزىق تاجىريبە جانە كوشباسشىلىق ورتالىعىنىڭ قولداۋىمەن ۇيىمداستىرىلدى.
وقىتۋ ۇدەرىسى تەك تەوريالىق ءبىلىم الۋدى عانا ەمەس, سونىمەن بىرگە العان داعدىلارىن بەكىتۋگە مۇمكىندىك بەرەتىن پراكتيكالىق ماسەلەلەردى شەشۋدى دە قاراستىرادى.
استاناعا كەلگەن شەتەلدىك ماماندار كىرىستەردى جىلىستاتۋعا جانە تەرروريزمدى قارجىلاندىرۋعا قارسى ءىس-قيمىل سالاسىنداعى حالىقارالىق ۇيىمدار ۇسىنعان ەرەجەلەر مەن نورمالاردىڭ بەلگىلەنگەن جۇيەسىن ساقتاۋدىڭ ماڭىزدىلىعىن اتاپ وتەدى, بۇل ءوز كەزەگىندە حالىقتىڭ قاۋىپسىزدىگىن قامتاماسىز ەتەدى.
ءىس-شارا قازاقستان مەن وزبەكستان قبب وكىلدەرى ءۇشىن ەات ءوزارا باعالاۋ قورىتىندىلارى بويىنشا ەكى ەلگە تەحنيكالىق كومەك كورسەتۋ جونىندەگى جوبالىق جوسپارلار شەڭبەرىندە وتكىزىلىپ جاتىر.
قارجىلىق مونيتورينگى اگەنتتىگى اقشانى جىلىستاتۋعا قارسى ۇلتتىق جۇيەنىڭ الەۋەتىن, ونىڭ ىشىندە سالا ماماندارىنىڭ بىلىكتىلىگىن ۇدايى ارتتىرۋدى بەلسەندى جالعاستىراتىن بولادى.