Chevrolet Cobalt كولىگىنىڭ جۇرگىزۋشىسى 1 اپتادا 49 رەت جول ەرەجەسىن بۇزىپ, 1,2 ميلليون تەڭگە ايىپپۇل ارقالاعان. ونى اباي وبلىسىنىڭ پوليتسيا قىزمەتكەرلەرى ۇستادى, دەپ حابارلايدى Egemen.kz.
وبلىستىق پد ءباسپاسوز قىزمەتىنىڭ ءمالىم ەتۋىنشە جول ەرەجەسىن ءجيى بۇزعان جۇرگىزۋشى – «قورعاۋ» اۆتوماتتاندىرىلعان جۇيەسى ارقىلى انىقتالعان. ونىڭ كولىگى تاركىلەنىپ, ايىپپۇل تۇراعىنا قويىلعان.
«پوليتسيا قىزمەتكەرلەرى جول ەرەجەلەرىن جۇيەلى تۇردە بۇزۋ جول قوزعالىسىنىڭ قاۋىپسىزدىگىنە قاتەر توندىرەتىنىن ەسكەرتەدى. ەرەجەلەردى ورەسكەل بۇزۋشىلارعا قاتىستى كولىكتى تاركىلەۋگە دەيىنگى قاتاڭ شارالار قولدانىلادى», دەلىنگەن حابارلامادا.