ۆيتالي ششيگولەۆ كونكيمەن جۇگىرۋدەن جاپونيانىڭ حاتينوحە قالاسىندا ءوتىپ جاتقان ءتورت قۇرلىق چەمپيوناتىندا جەڭىمپاز اتاندى, دەپ حابارلايدى Egemen.kz.
ول ەرلەر اراسىنداعى ماسس-ستارتتا مارەگە ءبىرىنشى بولىپ جەتتى. ۇلتتىق قۇراما سپورتشىسى سوڭعى سەكۋندتاردا ەكى كانادالىق داۆيد لا رۋن مەن حەيدەن مايەردەن وزىپ كەتتى. بۇل – قازاقستان قۇراماسىنىڭ جاپونيا ءوتىپ جاتقان سايىستاعى ءۇشىنشى جۇلدەسى.
ەسكە سالا كەتەيىك, ۆيتالي 2022 جىلى كانادانىڭ كۆەبەك قالاسىندا وتكەن ءتورت قۇرلىق چەمپيوناتىندا 5 مىڭ مەترگە جۇگىرىستە جەڭىسكە جەتكەن ەدى.