1993 جىل – پورترەتتەر. وندا ەلىمىزدىڭ عىلىم, ونەر, مادەنيەت, ءبىلىم بەرۋ جۇيەسىنىڭ دامۋىنا ۇلكەن ۇلەس قوسقان تاريحي تۇلعالار بەينەلەنگەن. العاشقى قاعاز اقشانىڭ ءبىر ەرەكشەلىگى – نومينالدىڭ ورنالاسۋى ەدى. ساندار اق فوندا, كۋپيۋرالاردىڭ الدىڭعى جاعىنىڭ سول جاق تومەنگى بۇرىشىندا, ورتاسىندا ءارى وڭ جاق جوعارعى بۇرىشىندا باسىلىپ شىقتى.
1993-2003 جىلدار – ءال-فارابي. ۇلتتىق بانك شىعارعان تەڭگەنىڭ ەكىنشى سەرياسى ورتاعاسىرلىق ۇلى فيلوسوف, عالىم ءابۋ ناسىر ءال-فارابيگە ارنالدى.
2006 جىل – بايتەرەك. تىك ديزاينداعى جاڭا بانكنوتتار شىعارىلدى. جاڭا بانكنوتتاعى نەگىزگى ەلەمەنت جاڭا استانانىڭ كورنەكتى نىسانى – «استانا-بايتەرەك» مونۋمەنتىنىڭ بەينەسى بولدى. اشىق تۇستەر پاليتراسى قولدانىلىپ, جوعارى دەڭگەيدەگى قورعانىس ەلەمەنتتەرى ەنگىزىلدى.
2011 جىل – قازاق ەلى/سامۇرىق. جاڭا سەريانىڭ ەرەكشەلىگى – بانكنوتتاردىڭ الدىڭعى بەتىندەگى «قازاق ەلى» مونۋمەنتىنىڭ (سامۇرىق قۇسىنىڭ) بەينەسى.
2023 جىل – ساق ءستيلى. جاڭا بانكنوتتار سەرياسى ساق مادەنيەتىنە ارنالعان. اتا-بابامىزدىڭ دۇنيەتانىمىن, تابيعاتپەن بايلانىسىن, كەڭ-بايتاق جەرىمىزدە مەكەندەيتىن جانۋارلار الەمىن كورسەتەدى. سونىمەن قاتار ەجەلگى قورعانداردان تابىلعان بۇيىمدار دا كورىنىس تاپقان. بىلتىر جەلتوقساننان باستاپ ۇلتتىق بانك اينالىمعا نومينالى 5 مىڭ تەڭگەلىك جاڭا «ساق ءستيلى» سەرياسىنىڭ جاڭارتىلعان بانكنوتتارىن شىعاردى. بيىل جازدا نومينالى 10 مىڭ تەڭگەلىك بانكنوتتار اينالىمعا ەندى. جالپى, وسى جاڭا سەريانىڭ بانكنوتتارى بىرتىندەپ اينالىمعا ەنگىزىلمەك, ويتكەنى ولاردى ەلدىڭ بارلىق ايماعىنا جەتكىزۋ جانە جابدىقتاردى (بانكومات, تەرمينال جانە باسقا دا كاسسا تەحنيكاسىن) بەيىمدەۋگە ءبىرشاما ۋاقىت قاجەت.