سىناقتان سۇرىنبەي وتكەن كاسىپورىن

«شۇباركول كومىر» اق ىسكە قوسقان جوباعا بۋ قازاندىق­تارى مەن اممياك سۋىن بەي­تا­راپ­تاندىرۋعا ارنالعان قوندىر­عىلار دا كىرەدى. قۇرىلىسى 2021 جىلى باستالعان زاۋىت 2023 جىلى ءونىم شىعارا باستادى. قىس جاقىنداعان سايىن زاۋىت ونىڭ جابدىقتارىنىڭ قاۋىپسىزدىگىنە, ونىمدىلىگىنە جانە سەنىمدىلىگىنە اسەر ەتەتىن بىرقاتار ماڭىزدى قيىندىققا تاپ بولاتىن.

تەحنولوگيالىق گاز قۇ­بىر­لارى مەن شايىرلى قۇبىرلار قاتىپ قالدى. بۇل قالىپتى جۇمىس ىستەۋ ءۇشىن بۋ ءوندىرۋ­دى ارتتىرۋدى قاجەت ەتتى. كوكس پەشتەرى جۇيەنىڭ تۇراق­سىز قىسىمىنا بايلانىس­تى ۇزىلىس­تەرگە ۇشىرادى. ال كون­ۆەيەردىڭ ءجيى توقتاپ قالۋى ىلعالدىلىعى جوعارى ءونىم­نىڭ قاتىپ قالۋىنان بولاتىن. سونىمەن قاتار شايىر مەن اممياك سۋىن ايداۋ كەزىندە دە قيىن­دىقتار تۋىندادى. شايىر قۇبىرى قاتىپ, بەيتاراپتاندىرۋ قوندىرعىلارى اممياك سۋىنىڭ ۇلعايۋىنا (ىسىنۋىنە) توتەپ بەرە المادى.

قىستا زاۋىتتى توقتاتۋ ون­دىرىستەگى ىسىراپقا جانە جاب­­دىقتىڭ بۇزىلۋىنا اكەلۋى مۇمكىن. مۇنداي جاعدايدا قۇ­رىل­­­عىلاردىڭ قالپىنا كەلۋى ۇزاق­قا سوزىلادى. كەمىندە التى اي. وسى سىن-قاتەرلەرگە جاۋاپ رەتىندە باسشىلىق كومپانيا قا-تارىندا 2006 جىلدان بەرى جۇمىس ىستەپ تۇرعان زاۋىتتى پايدالانۋ تاجىريبەسىنە سۇيەندى. بىرقاتار شارانى جەدەل ازىرلەپ, جۇزەگە اسىرۋعا شەشىم قابىلدادى.

ءبىرىنشى كەزەكتە بۋ ءوندىرۋدى ۇلعايتۋ قولعا الىندى. جاڭا قون­دىر­عىنى جۇمىس ىستەپ تۇرعان قوندىرعىمەن بايلانىستىراتىن قۇبىر ورناتىلدى. ول قوسىمشا بۋ كولەمىن جاڭا قوندىرعى­نىڭ ماڭىزدى كومپونەنتتەرىنە با­عىت­تاۋعا مۇمكىندىك بەردى. قازان­دىقتى «تاماقتاندىرۋعا» قوسىمشا سورعى ورناتىلىپ, ونىڭ ونىمدىلىگى ارتتى. ەكىنشىدەن, جۇيە­دەگى قىسىمدى تۇراقتاندىرۋ مۇمكىن­دىگى ەسكەرىلدى. وعان كوكس پەش­تەرىنە اۋا بەرەتىن جەلدەت­كىشتەرگە باسقارۋ قاقپالارى ورناتىلدى. ول قىسىمدى تۇراق­تاندىرۋعا جانە ۇدەرىستى بىركەلكى باس­قارۋدى قامتاماسىز ەتۋگە مۇم­كىندىك بەردى. ۇشىنشىدەن, كونۆەيەر جۇمىسىنىڭ سەنىم­دىلىگىن ارت­تىرۋعا ءمان بەرىلدى. كونۆەيەرلەردىڭ جۇمىسىن جاق­سارتۋ بويىنشا جۇمىس جۇر­گىزىلدى. تورتىنشىدەن, مۇنايدى جانە اممياك­تى سۋدى ايداۋ ويلاستى­رىل­دى. مۇناي قۇبىرىنداعى ماسە­­لەنى شەشۋ ءۇشىن شايىرلى جەلى­گە سەكىرتكىش ورناتىلدى. ول وسى قۇبىر ارقىلى مۇنايدى ايداۋ­عا مۇمكىندىك بەردى. جۇمىس ىستەپ تۇرعان زاۋىتقا ارتىق اممياك سۋىن ايداۋعا جاڭا قۇبىر تارتىلدى.

بۇل رەتتە كەدەرگىلەردى انىق­تاۋ جانە ولاردى جويۋ شارالارىن ازىرلەۋ ءۇشىن زاۋىتتىڭ بۇكىل تەحنولوگيالىق تىزبەگىنىڭ جۇمىسىنا تالداۋ جاسالدى.

«جوعارىدا اتالعان شارالاردى جۇزەگە اسىرۋ ماقساتىندا 2024 جىلدىڭ ماۋسىم-شىلدە ايلارى ارالىعىندا زاۋىت جۇمىسى توقتاتىلدى. بۇل شارالاردى جۇزەگە اسىرۋ زاۋىت ونىمدىلىگىن, سەنىم­دىلىگىن جانە قاۋىپسىزدىگىن ايتار­لىقتاي ارتتىردى. سول مەزەتتە قابىلداۋ سىناقتارى جۇرگى­زىلىپ, زاۋىت جوبالىق وندىرىستىك كورسەتكىشتەرگە قول جەتكىزدى», دەيدى «شۇباركول كومىر» اق باس ديرەكتورى سەرگەي كيم.

تولىق جوبالىق قۋاتىندا ىسكە قوسىلعان جاڭا زاۋىتتا بۇگىندە 130-عا جۋىق جۇمىسشى ەڭبەك ەتىپ ءجۇر.