كەلەسى ايدا قازاقستان فۋتبول فەدەراتسياسىنىڭ قورىتىندى كونفەرەنتسياسى ءوتىپ, وندا جاڭا پرەزيدەنت سايلانادى. بۇل تۋرالى پارلامەنت ءماجىلىسىنىڭ وتىرىسىندا تۋريزم جانە سپورت ءمينيسترى ەربول مىرزابوسىنوۆ مالىمدەدى, دەپ حابارلايدى Egemen.kz.
«فۋتبول فەدەراتسياسى – ءوزىنىڭ اتقارۋشى كوميتەتى بار قوعامدىق بىرلەستىك. بۇگىنگى تاڭدا ۇمىتكەرلەر تۋرالى ءالى بەلگىسىز. قالاي بولعاندا دا, بارلىق ۇمىتكەرلەرگە تولىق تالداۋ جاسالادى. ءبىر ايدان كەيىن قورىتىندى كونفەرەنتسيا ءوتىپ, وندا كانديداتتار جاريالانادى. مۇشە بولاتىن بارلىق ايماقتار جاڭا پرەزيدەنتتى سايلايدى. ءبىز دە ۇمىتكەردى تاڭداۋعا قاتىسامىز», دەدى ەربول مىرزابوسىنوۆ.
بۇعان دەيىن, قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆتىڭ قىزمەتىنەن كەتكەنىن حابارلاعان ەدىك.