پاۆلودارلىق كولىك جۇرگىزۋشىسى قىسقا ۋاقىت ىشىندە 30-عا جۋىق رەت جول ەرەجەسىن بۇزىپ, ناتيجەسىندە 2 ميلليون تەڭگەدەن اساتىن ايىپپۇلمەن ۇستالعان, دەپ حابارلايدى Egemen.kz Polisia.kz-كە سىلتەمە جاساپ.
كوبىنەسە جۇرگىزۋشى كولىگىن اسا جوعارى جىلدامدىقپەن ايداعان. قازىرگى تاڭدا شەتەلدە تىركەلگەن اۆتوكولىك مامانداندىرىلعان ايىپپۇل تۇراعىنا قويىلعان.
«قىسقا مەرزىم ىشىندە جۇرگىزۋشى جول ەرەجەسىن شامامەن 30 رەت بۇزعان. ايىپپۇلداردىڭ جالپى سوماسى 2 ميلليون تەڭگەدەن اسىپ ءتۇستى. ماسەلەن, قازان ايىندا جۇرگىزۋشى ومبى تاس جولىندا جىلدامدىق رەجيمىن بۇزىپ, ەلدى مەكەن ىشىندە 60 كم/ساع شەكتەلگەن جىلدامدىق ورنىنا 93 كم/ساع جىلدامدىقپەن جۇرگەن», دەپ مالىمدەدى پاۆلودار وبلىسى پد اكىمشىلىك پوليتسيا باسقارماسىنىڭ باستىعى بوريس الىمباەۆ.
ايتا كەتەيىك, بيىل پاۆلوداردا ايىپپۇل تولەمەگەن 42 كولىك يەسى ۇستالعان. قارىز وتەلگەننەن كەيىن عانا كولىكتەر يەلەرىنە قايتارىلعان.