قازاقستاندا تاعى ءبىر مەديتسينالىق قۇجات تسيفرلاندىرىلدى. بۇل تۋرالى دەنساۋلىق ساقتاۋ ۆيتسە-ءمينيسترى ەربول وسپانوۆ مالىمدەدى, دەپ حابارلايدى Egemen.kz.
ۆيتسە-ءمينيستردىڭ ايتۋىنشا, 2025 جىلدىڭ 1 قاڭتارىنان باستاپ سانيتارلىق كىتاپشا تەك ەلەكتروندى تۇردە بەرىلەدى.
«مەديتسينا سالاسىندا كوپتەگەن مەديتسينالىق انىقتامالار مەن قۇجاتتار بار. وسىعان بايلانىستى ازاماتتار كلينيكالاردا بىرنەشە ساعات بويى كەزەكتە تۇرۋعا كوپ ۋاقىت جۇمساۋعا ءماجبۇر. سوندىقتان بۇل قۇجاتتاردى تسيفرلاندىرۋ وتە ماڭىزدى», دەدى ەربول وسپانوۆ.
ول سونداي-اق 2025 جىلى مەديتسينا قىزمەتكەرلەرىن تىركەۋ تولىعىمەن تسيفرلاندىرىلاتىنىن ايتتى. ودان بولەك سۇرانىسقا يە 8 مەديتسينالىق انىقتاما تسيفرلىق فورماتقا كوشىرىلەدى.