بۇگىن ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا مۇمكىندىگى شەكتەۋلى ازاماتتاردى جۇمىسقا ورنالاستىرۋ بويىنشا اتقارىلىپ جاتقان جۇمىستار بارىسىن باياندادى, دەپ جازادى Egemen.kz.
ءمينيستردىڭ مالىمدەۋىنشە, مۇمكىندىگى شەكتەۋلى ازاماتتار اراسىندا ەڭبەككە قابىلەتتى 148 مىڭ ادام جۇمىسقا ورنالاسقان.
ولاردىڭ باسىم كوپشىلىگى عىلىمي قىزمەت, مەملەكەتتىك باسقارۋ, ءبىلىم بەرۋ جانە ساۋدا, دەنساۋلىق سالاسىندا قىزمەت ەتەدى.
«كاسىپتەر بويىنشا مۇمكىندىگى شەكتەۋلى ادامداردىڭ 21%-ى كاسىبي ماماندار, 19%-ى بىلىكتىلىگى جوق قىزمەتكەرلەر, 13%-ى تەحنيك-ماماندار, 11%-ى – باسشىلار مەن مەملەكەتتىك قىزمەتشىلەر, قىزمەت كورسەتۋ, ساتۋ سالاسىندا جۇمىس ىستەيتىن قىزمەتكەرلەر», دەدى سۆەتلانا جاقىپوۆا.
ال وڭىرلەر بويىنشا وسى ساناتتاعى ازاماتتاردى جۇمىسپەن قامتۋ دەڭگەيى 50 پايىزعا جەتپەگەن.