دياگنوستيكا بويىنشا وتاندىق Cerebra AI ستارتاپى شانحايداعى كورمەدە تانىستىرىلدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
كت-ءتۇسىرىلىم بويىنشا ينسۋلت بەلگىلەرىن انىقتاۋ ءۇشىن يننوۆاتسيالىق شەشىمدەردى ازىرلەۋشى وتاندىق Cerebra AI كومپانياسى شەتەلدىك نارىقتا دا, ەلىمىزدە دە قىزمەتىن كەڭەيتۋدى جالعاستىرىپ جاتىر.
ۇكىمەتتىڭ مالىمەتىنشە, ەلىمىزدىڭ 47 ينسۋلت ورتالىعىندا باعدارلامالىق قامتاماسىز ەتۋدى 700-دەن استام نەيروحيرۋرگ پەن نەۆروپاتولوگ بەلسەندى پايدالانادى. تەحنولوگيا وزبەكستان مەن ساۋد ارابياسىنىڭ اۋرۋحانالارىنا دا ەنگىزىلگەن.
سونىمەن قاتار كومپانيا مەديتسينالىق دەرەكتەردى جيناۋ جانە وڭدەۋ سالاسىنداعى ىنتىماقتاستىقتى تەرەڭدەتۋ جونىندەگى جوسپارلارعا باسىمدىق بەرىپ وتىر. بۇل ءۇشىن شانحايداعى VII قىتاي حالىقارالىق يمپورت كورمەسى ەرەكشە تۇعىر بولعان.
«قىتاي – ءبىز ءۇشىن ستراتەگيالىق ماڭىزدى نارىق. ءبىز مۇندا جەرگىلىكتى كومپانيالارمەن تانىسۋعا, ءونىمىمىزدى كورسەتۋگە ءارى ىنتىماقتاستىق مۇمكىندىكتەرىن تالقىلاۋعا كەلدىك. قىتاي تەحنولوگيالاردى ازىرلەۋ سالاسىندا كوش باستاپ تۇر. سول سەبەپتى ءبىز مۇندا تاجىريبە الماسىپ, بيزنەسىمىزدىڭ كوكجيەگىن كەڭەيتە الاتىنىمىزعا سەنىمدىمىز», دەدى Cerebra AI كومپانياسىنىڭ ديرەكتورى ارمان وسپانوۆ.