بۇل تۋرالى قىرعىزستان پرەزيدەنتى سادىر جاپاروۆ بىشكەككە مەملەكەتتىك ساپارمەن بارعان تۇركيا باسشىسى رەجەپ تايپ ەردوعانمەن كەلىسسوزدەر قورىتىندىسى بويىنشا وتكەن ءباسپاسوز ءماسليحاتىندا مالىمدەدى, دەپ حابارلايدى Egemen.kz.
«پرەزيدەنت ەردوعانعا قىرعىزستاننىڭ تۇركيا الدىنداعى سىرتقى قارىزىن وتەۋ تۋرالى شەشىم قابىلداعانى ءۇشىن ۇلكەن العىسىمدى بىلدىرەمىن», دەدى سادىر جاپاروۆ.
تۇركيا «جاسىل» ەكونوميكا جوبالارىن جۇزەگە اسىرۋ ءۇشىن قىرعىزستاننىڭ 62,3 ميلليون دوللار كولەمىندەگى سىرتقى قارىزىن كەشىرگەنى اتاپ ءوتىلدى.
ايتا كەتەيىك, ءىسساپار ناتيجەسىندە ەكى ەل اراسىنداعى ستراتەگيالىق ىنتىماقتاستىقتى كەڭەيتۋگە جانە مەملەكەتارالىق قارىم-قاتىناستى ودان ءارى نىعايتۋعا باعىتتالعان 19 ەكىجاقتى قۇجاتقا قول قويىلعان.
ەستەرىڭىزگە سالا كەتەيىك, تۇركيا پرەزيدەنتى رەجەپ تايپ ەردوعان قىرعىز رەسپۋبليكاسىندا مەملەكەتتىك ساپارمەن ءجۇر. 6 قاراشادا تۇركيا باسشىسى تۇركى مەملەكەتتەرى ۇيىمىنىڭ سامميتىنە قاتىسادى دەپ جوسپارلانىپ وتىر.