تالعارداعى «حۋتور» ۇيىمداسقان قىلمىستىق توبىنىڭ جەتەكشىسى رەتىندە تانىلعان حاسان قاسىمباەۆ ۇستالىپ, ۋاقىتشا ۇستاۋ يزولياتورىنا قامالدى. اقپاراتتى وبلىستىق پوليتسيا دەپارتامەنتى راستادى, دەپ حابارلايدى Egemen.kz.
پوليتسيا دەپارتامەنتى ۇسىنعان اقپاراتقا سايكەس, حاسان قاسىمباەۆ ازامات ا.-نى ۇرلاۋمەن جانە دەنساۋلىعىنا اۋىر زيان كەلتىرۋمەن بايلانىستى قىلمىستارعا قاتىسى بار دەگەن كۇدىكپەن ۇستالدى, سوت وعان ەكى ايعا قاماۋعا الۋ تۇرىندەگى بۇلتارتپاۋ شاراسىن تاعايىنداعان.
ايتا كەتەيىك, 2021 جىلدىڭ ماۋسىم ايىندا وسى قىلمىستىڭ تاعى بەس قاتىسۋشىسى سوتتالىپ, قازىر تۇرمەدە جازاسىن وتەپ جاتىر.