قارجىلىق مونيتورينگ اگەنتتىگى «كەزبي» كومپانياسىنا قاتىستى قاراجاتتى جىمقىرۋ جانە سالىق تولەمەۋ فاكتىسى بويىنشا سوتقا دەيىنگى تەرگەپ-تەكسەرۋ تىركەلگەنىن مالىمدەدى, دەپ جازادى Egemen.kz.
قما ماڭعىستاۋ وبلىسى بويىنشا دەپارتامەنتى «كەزبي» جشس اتقارۋشى ديرەكتورى ەربول كەزباەۆقا قاتىستى قك 190-بابىنىڭ 4-بولىگى 2-تارماعى (اسا ءىرى مولشەردەگى الاياقتىق) بويىنشا قىلمىستىق ءىس قوزعادى.
- وعان كومپانيا قىزمەتكەرلەرىنە جالاقى تولەۋ ءۇشىن «وزەنمۇنايگاز» اق بولگەن 321 ملن تەڭگەنى جىمقىرىپ, سونداي-اق 1,5 ملرد تەڭگەگە جۋىق سوماعا سالىق تولەۋدەن جالتاردى دەگەن ايىپ تاعىلدى, - دەپ جازدى ۆەدومستۆودان.
بەلگىلى بولعانداي, 2021 جىلى «كەزبي» جشس «وزەنمۇنايگاز» اق-مەن بريگادا ءۇشىن ساعاتىنا 65 مىڭ تەڭگە باعامەن قىزمەت كورسەتۋ شارتتارىن جاساستى.
كەيىننەن ەڭبەكاقى مەن مەديتسينالىق جاردەماقىلاردىڭ ءوسۋىن قوسا العاندا, جۇمىسشىلار ءۇشىن الەۋمەتتىك پاكەتتى جاقسارتۋ ماقساتىندا قىزمەت باعاسى بريگادا ءۇشىن ساعاتىنا 87 مىڭ تەڭگەگە دەيىن ۇلعايتىلدى.
- الايدا, قاراجاتتىڭ ەداۋىر بولىگىن, اتاپ ايتقاندا 321 ملن تەڭگەنى كومپانيا باسشىسى قىزمەتكەرلەر ءۇشىن الەۋمەتتىك جاعدايلارعا جۇمساماي جىمقىرعان.
2024 جىلعى 3 قاراشادا كۇدىكتى ە.كەزباەۆ ۇستالدى, - دەلىنگەن اقپاراتتا.
قازىرگى ۋاقىتتا جاسالعان قىلمىستىڭ بارلىق ءمان-جايلارىن انىقتاۋعا باعىتتالعان تەرگەۋ ارەكەتتەرى جۇرگىزىلۋدە.
قر قپك 201-بابى تارتىبىندەگى وزگە دە اقپارات جاريا ەتۋگە جاتپايدى.