«قازاۆتوجول» اق شقو-داعى ەكى اۆتوجولدا 1 قاراشا 19:00-دەن باستاپ كولىك قوزعالىسى شەكتەلەتىنىن حابارلادى, دەپ جازادى Egemen.kz.
قىس مەزگىلىندە قاۋىپسىز جول قوزعالىسىن قامتاماسىز ەتۋ ءۇشىن اۆتوجولداردا جارتىلاي تىركەمەسى جانە تىركەمەسى بار جۇك كولىكتەرگە, سونداي-اق جولاۋشىلار تاسىمالدايتىن كولىكتەردىڭ قوزعالىسىنا شەكتەۋ قويىلادى. شەكتەۋ 1 قاراشا كۇنى 19:00-دەن باستالادى.
«وسكەمەن-التاي-ۇلكەن نارىن-كاتونقاراعاي-راحمان قاينارى» اۆتوجولىنىڭ 46-66 شاقىرىم ارالىعىنداعى ۋچاسكەسى (قىس اياقتالعانشا دەيىن).
«وسكەمەن-ريددەر-رەسەي فەدەراتسياسىنىڭ شەكاراسى» اۆتوجولىنىڭ 94-104 شاقىرىمى ارالىعىنداعى ۋچاسكەسىندە (قىس اياقتالعانشا تۇنگى ۋاقىتتا ساعات 20:00-دەن 06:00-عا دەيىن) كولىك قوزعالىسىنا شەكتەۋ قويىلادى», دەلىنگەن «قازاۆتوجول» اق حابارلاماسىندا.
كومپانيا مۇنداي شەكتەۋلەر قىس مەزىگىلىندە قاۋىپسىزدىكتى ساقتاۋ ءۇشىن ەنگىزىلەتىنىن ەسكەرتتى.