بۇل تۋرالى اقوردانىڭ ءباسپاسوز قىزمەتى جاريا ەتتى, دەپ حابارلايدى Egemen.kz.
«اقوردا» رەزيدەنتسياسىندا ءتورت مەملەكەتتىڭ جاڭادان تاعايىندالعان توتەنشە جانە وكىلەتتى ەلشىلەرىنىڭ, سونداي-اق ەۋروپا وداعى وكىلدىگى باسشىسىنىڭ قازاقستان پرەزيدەنتىنە سەنىم گراموتالارىن سالتاناتتى تۇردە تاپسىرۋ ءراسىمى ءوتتى.
مەملەكەت باسشىسىنا فرانتسيا ەلشىسى سيلۆان گيوگە, ەۋروپا وداعىنىڭ ەلشىسى الەشكا سيمكيچ, فينليانديا ەلشىسى ياننە حەيسكانەن, كانادا ەلشىسى كريستوفەر داگگان, برازيليا ەلشىسى مارسەل فورتۋنا بياتو سەنىم گراموتالارىن تاپسىردى. قاسىم-جومارت توقاەۆ ەلشىلەرمەن جۇزدەسۋ بارىسىندا قازاقستان بەيبىت ديپلوماتيا قاعيداتىن ۇستاناتىن ەل ەكەنىن ءارى حالىقارالىق ارەناداعى قاۋىپسىزدىك پەن تۇراقتىلىقتى قامتاماسىز ەتۋگە ەلەۋلى ۇلەس قوسا الاتىنىن اتاپ ءوتتى. مەملەكەت باسشىسى ەلىمىزدىڭ بىرىككەن ۇلتتار ۇيىمىمەن جاھاندىق جانە وڭىرلىك قاۋىپسىزدىك ماسەلەلەرى بويىنشا تىعىز ىنتىماقتاستىقتى جالعاستىرۋعا بەيىل ەكەنىن راستادى.