ءماجىلىس الاڭىندا دەنساۋلىق ساقتاۋ ءمينيسترى اقمارال ءالنازاروۆا ەلىمىزدەگى دارىگەرلەردىڭ ورتاشا جالاقى مولشەرىن ءمالىم ەتتى, دەپ حابارلايدى Egemen.kz.
«قازاقستان بويىنشا ەسەپتەلگەن ورتاشا جالاقى بار. مىسالى, جاڭا باستاعان دارىگەر شامامەن 350-300 مىڭ تەڭگە السا, تاجىريبەلى دارىگەر, كارديوحيرۋرگ ميلليون تەڭگەدەن جوعارى الادى. وسىنىڭ ءبارى قوسىلىپ, قازاقستانداعى ورتاشا جالاقى 405 مىڭ تەڭگە شاماسىندا بولادى ەكەن», دەيدى اقمارال ءالنازاروۆا.
بۇعان دەيىن قارجى ءمينيسترى ءمادي تاكيەۆ 2025 جىلى دەنساۋلىق ساقتاۋ سالاسىنا مەملەكەتتىك بيۋدجەتتەن 2,4 تريلليون تەڭگە جۇمساۋ جوسپارلانىپ وتىرعانىن ايتقان ەدى.