اقش-تا جىلان بۇعىنى تۇتاس جۇتىپ قويعان

اقش-تىڭ فلوريدا شتاتىنداعى ەۆەرگلەيدس ۇلتتىق ساياباعىندا ۇزىندىعى 4,5 مەتر جانە سالماعى شامامەن 52 كەلىگە جەتەتىن پيتون بۇعىنى (35 كگ) جۇتىپ قويعان.

«مۇنى شىنايى ومىردە كورۋ قىزىق بولدى. بۇل فلوريدانىڭ وڭتۇستىك-باتىسىندا 12 جىل بويى پيتونداردى باقىلاعان كەزدەگى ەڭ جارقىن جانە اسەرلى كورىنىس», دەدى عىلىمي كوورديناتور يان بارتوشەك.

وتانى وڭتۇستىك-شىعىس ازيا سانالاتىن پيتوندار العاش رەت اقش-قا حح عاسىردىڭ ورتاسىندا ءۇي جانۋارلارى رەتىندە ساتۋ ءۇشىن اكەلىنگەنى ايتىلادى. جىلدار وتە كەلە جابايى تابيعاتقا جىبەرىلگەن جىلاندار تەز كوبەيگەن, ويتكەنى جەرگىلىكتى ەكوجۇيەدە بيرما پيتوندارىنا باسەكەلەستەر بولماعان.

اتالعان ساياباقتا پيتوندار جەرگىلىكتى سۇتقورەكتىلەردىڭ كوپتەگەن پوپۋلياتسيالارىنا قاۋىپ ءتوندىرىپ تۇر. مىسالى, قوياندار مەن تۇلكىلەر مۇلدەم جوعالىپ كەتكەن, ال جاناتتار, وپوسسۋمدار, اققۇيرىقتار بۇرىنعىدان از كەزدەسەدى. كويوتتارعا (شالعىن قاسقىرى), سىلەۋسىندەرگە, قۇستارعا جانە ءتىپتى قولتىراۋىندارعا دا قاۋىپ ءتونىپ تۇر.

ينۆازيالىق تۇرلەردىڭ سانىن ازداپ ازايتۋ ءۇشىن جەرگىلىكتى بيولوگتار اتالعان جىلانداردى تاۋىپ, جويۋعا ءماجبۇر.