ۇلت جاۋھارلارى پاريج تورىندە

ەلىمىز ەۋروپا ەل­دە­رىمەن ما­دەني-گۋ­ما­نيتارلىق ىن­تى­ماقتاس­تىقتى نىعايتۋعا كوپ كوڭىل ءبو­لىپ كەلەدى. بۇل سالاداعى ءوزارا ءىس-قيمىلدىڭ ماڭىزدى باعىتتارىنىڭ ءبىرى – تاري­حي-مادەني مۇرانى دارىپتەۋ.

قورىندا ەلىمىزدىڭ بىرنەشە مادەني جادىگەرى بار, ازيا ونەرىنىڭ الەمدەگى ەڭ تولىق, ەۋروپا ايماعىنداعى ەڭ ءىرى كوللەكتسيالارى ساقتالعان گيمە – ازيا ونەرىنىڭ ۇلتتىق مۋزەيىندە قازاقستاننىڭ تاريحي مۇراسىنان كورمە وتكىزۋ ونەر الەمىندەگى ەلەۋلى وقيعا بولاتىنى انىق.

اتالعان كورمە مۋزەي جا­دىگەرلەرىن يممەرسيۆتى تەح­­نولوگيالاردىڭ سۇيە­مەل­­­دە­ۋى­مەن قازاق مەملە­كەت­تى­لىگىنىڭ عا­سىر­لار بويى دا­مۋىنىڭ تاريحي-وركە­نيەتتى باستاۋلارىنا, قازاق حالقىنىڭ مادەني كودىنىڭ ساباقتاستىعى مەن بىرە­گەيلىگىنە ەرەكشە نازار اۋدارتادى. سونداي-اق ەۋروپا جانە فرانتسۋز جۇرتشىلىعىنا قا­زاقستان مادەنيەتىنىڭ كوپعاسىرلىق تاريحى مەن باي قازىناسىن كورسەتۋدى ماقسات ەتەدى.

ەكسپوزيتسيادا ەل تاري­حىنىڭ نەگىزگى كەزەڭدەرىن (ب.ز.د. ءىىى مىڭجىلدىقتان XVIII عاسىرعا دەيىن) سيپاتتايتىن 35 سيرەك ارتەفاكت ۇسىنىلعان.

ەكسپوزيتسيا 5 بولىمنەن تۇرادى. اتاپ ايتساق, «توبىل ويشىلى, بوتاي مادەنيەتى جانە جىلقىنى قولعا ۇيرەتۋ», «التىن ادام. العاشقى ساق مەملەكەتتەرىنىڭ پايدا بولۋى», «تاس ءمۇسىن (بالبال). تۇركى بيلىگى كەزەڭىندەگى ورتا­عاسىرلىق قازاق­ستان», «قوجا احمەت ياساۋي كەسەنەسىنىڭ شى­راعداندارى. يسلامنىڭ دامۋى», «قازىبەك ءبيدىڭ شاپانى. قازاق حاندىعى جانە بۇگىنگى قازاقستاننىڭ پايدا بولۋى».

اشىلۋ سالتاناتىنا قا­زاقستان مەن فرانتسيانىڭ كورنەكتى مەملەكەتتىك ساياسي قايراتكەرلەرى, ديپلو­ما­تيا­لىق كورپۋس, مادەنيەت جانە ونەر وكىلدەرى, عىلىمي جانە ستۋدەنتتىك قوعامداستىق, ەۋ­روپاداعى قازاق دياسپوراسى وكىلدەرى قاتىسادى.

ايتا كەتەيىك, كورمە كەلەسى جىلدىڭ 24 ناۋ­رىزىنا دەيىن جالعاسادى.