«قازاەروناۆيگاتسيا» وكىلدەرى ەۋروپا مەن ازيانىڭ اەروناۆيگاتسيالىق قىزمەت كورسەتۋشىلەرى (انقك) ءۇشىن اەروناۆيگاتسيالىق قاۋىپسىزدىكتى ۇيلەستىرۋ بويىنشا وڭىرلىك پلاتفورماعا (SOCEA) مۇشەلىككە كىرۋ تۋرالى كەلىسىمگە قول قويدى.
بۇل رەسمي ءراسىم ىستانبۇلدا ءوتتى. وعان ۇيىمنىڭ بارلىق مۇشەسى: تاجىكستان, وزبەكستان, قىرعىزستان, تۇركيا جانە ازەربايجان ەلدەرىنىڭ وكىلدەرى قاتىستى. ايتا كەتەيىك, بۇل ۇيىم حالىقارالىق اەروناۆيگاتسيالىق ىنتىماقتاستىق پلاتفورماسى ۇشۋ قاۋىپسىزدىگىن قامتاماسىز ەتۋدىڭ وڭىرلىك ستراتەگياسىن ازىرلەۋ, انقك اراسىنداعى ىنتىماقتاستىقتى دامىتۋ, اقۇ قاۋىپسىزدىگىن باقىلاۋ جۇيەسىن ءتيىمدى ەنگىزۋگە جاردەمدەسۋ, ۇشۋ قاۋىپسىزدىگىن باسقارۋدا تاۋەكەلگە باعدارلانعان ءتاسىلدى قولدانۋ, سونىمەن قاتار اۋە كولىگىنىڭ تۇراقتى دامۋىن قولداۋ ءۇشىن حالىقارالىق ستاندارتتاردى ەنگىزۋ مەن اقۇ سالاسىن تسيفرلاندىرۋ جانە اۋە كەڭىستىگىن ءتيىمدى پايدالانۋ ماقساتىندا قۇرىلعان.
«SOCEA»-عا مۇشە بولۋ ارقىلى اۋە قوزعالىسى كولەمىن ۇلعايتۋعا, وڭىردەگى اۋە قوزعالىسى قاۋىپسىزدىگىن باسقارۋ جۇيەسىن ءتيىمدى ەنگىزۋگە جانە وڭىرلىك دەڭگەيدە ۇشۋ قاۋىپسىزدىگىن باسقارۋعا تاۋەكەلدەردى باعالاۋ ءتاسىلىن قولدانۋعا بولادى. سونداي-اق وسى سالانى تسيفرلاندىرۋ ۇدەرىسىن جاڭعىرتۋ مەن ستاندارتتاۋعا جاردەمدەسۋگە ىقپال ەتەدى.
«SOCEA مۇشەلىگى وڭىرلىك سەرىكتەستەرمەن ىنتىماقتاستىق جانە اۋە قوزعالىسىن باسقارۋ سالاسىندا وزىق تاجىريبە الماسۋ ءۇشىن ستراتەگيالىق مۇمكىندىك سانالادى. ءبىز ءوز تاجىريبەمىزبەن ءبولىسىپ, بارلىق وڭىردەگى اۋە كەڭىستىگىنىڭ قاۋىپسىزدىگى سالاسىندا جاڭا جەتىستىكتەرگە جەتۋ ءۇشىن بىرلەسىپ جۇمىس ىستەيمىز», دەيدى «قازاەروناۆيگاتسيا» رمك باس ديرەكتورىنىڭ ورىنباسارى جەڭىس اۋعاليەۆ.
اەروناۆيگاتسيالىق قاۋىپسىزدىكتى ۇيلەستىرۋ بويىنشا وڭىرلىك پلاتفورما (SOCEA) بىلتىر 18 تامىزدا «ازەربايدجانسكيە اۆياليني» زاو (AZAL) مەن تۇركيا مەملەكەتتىك اۋەجايلارىنىڭ باس باسقارماسى (DHMI) اراسىنداعى كەلىسىمنىڭ ناتيجەسىندە قۇرىلدى.