ەرىك-جىگەرى مىقتى ادامنىڭ باعىندىرمايتىن بەلەسى جوق. العا قويعان ماقساتىنا جەتپەي قويماعان سونداي جانداردىڭ ءبىرى فرانتسۋز ءجۋرناليسى جان-دومينيك بوبي.
ول 43 جاسىندا العان ينسۋلتتەن كەيىن دەنەسىنىڭ بارلىعى سال بولىپ قالدى جانە اينالاداعىلارمەن تەك سول كوزىن جىپىلىقتاتۋ ارقىلى سويلەسە الدى. سويتسە قالامگەر ناۋقاسقا شالدىقپاي تۇرىپ كىتاپ جازۋعا كەلىسىمشارت جاساسقان ەكەن. وسىلايشا «ۋادە - قۇدايدىڭ ءمورى» دەپ دەرتىنە قاراماستان كىتاپ جازۋعا كىرىسكەن. ونىڭ قاسىندا كومەكشىسى بولعان. ول فرانتسۋز تىلىندەگى بۇكىل ارىپتەردى رەتتىلىگىمەن اۆتوردىڭ كوز الدىنا اكەلەدى. ال بوبي بولسا كوزىن اشىپ-جۇمىپ قاجەتتى ءارىپتى كورسەتەدى. وسىنداي ىجداعاتتى ەڭبەكپەن «سكافاندر جانە كوبەلەك» اتتى كىتاپ جارىققا شىعادى جانە ەكى اي وتپەستەن بەستسەللەرگە اينالادى.