وسى كۇز استانانىڭ اسەم جۇرتشىلىعى ءۇشىن ەرەكشە ءسان اپتالىعىمەن ەستە قالدى. سانكت-پەتەربۋرگتەن كەلگەن بەلگىلى ديزاينەرلەر توبى ەلوردالىق ءسان ۇيىرمەلەرىندە مادەني باسقوسۋلار وتكىزىپ, ەلىمىزدىڭ ءسان وندىرىسىندەگى تىڭ جوبالارمەن تانىستى.
«سولتۇستىك پالميرادان» ارنايى كەلگەن ءسان ەكسپرەسى ەلوردا تۇرعىندارىن سانكت-پەتەربۋرگتىڭ ساپالى برەندتەرىمەن تانىستىرىپ, زاماناۋي ءسان الەمىندەگى وزەكتى ۇردىستەردى تالقىلادى. سونداي-اق ىسكەرلىك بايلانىستار ورناتىپ, جاڭا سەرىكتەستەر تابۋ ماقساتىندا كەزدەسۋلەر دە وتكىزدى.
ايتا كەتەيىك, اتالعان ءسان ساپارىن «سانكت-پەتەربۋرگ ەكسپورتتى قولداۋ ورتالىعى» انو ۇيىمداستىرىپ وتىر. ساپار اياسىندا قاتىسۋشىلارعا «Fashion.Export» ءبىلىم باعدارلاماسىنىڭ ءبىر بولىگىنە اينالعان بىرقاتار ءىس-شارا ۇسىنىلدى. بۇل باعدارلاما تالانتتى ديزاينەرلەردى قولداۋعا, ولارعا حالىقارالىق نارىققا شىعۋعا مۇمكىندىك بەرۋگە باعىتتالعان.
ەلوردالىق سانگەرلەردى رەسەيلىك ديزاينەرلەردىڭ پرەت-ا-پورتە كوللەكتسيالارىنىڭ جابىق كورسەتىلىمىنە قاتىسىپ, وي ءبولىسۋ, شەبەرلىك الماسۋ سىندى شىعارماشىلىق بايلانىستار شابىتتاندىرا تۇسكەنى انىق. الەۋەتتى سەرىكتەستەر مەن شىعارماشىلىق ورتانىڭ وكىلدەرى ءسان يندۋسترياسىنداعى حالىقارالىق ىنتىماقتاستىقتىڭ شەكاراسىن كەڭەيتىپ, كەلىسسوزدەر جۇرگىزدى.
«Bibisara» ءسان ۇيىندە وتكەن رەسەيلىك وندىرۋشىلەر كيىمدەرىنىڭ جابىق كورسەتىلىمى دە ءساتتى جوبالارعا ۇلاستى. جابىق كورسەتىلىمگە سانكت-پەتەربۋرگ برەندتەرىنىڭ وكىلدەرى دە قاتىستى. ءار ديزاينەردىڭ ءوز قولتاڭباسى, ءوز ءستيلى بىردەن كوزگە ۇرادى. برەند يەلەرىنىڭ ايتۋىنشا, ساپا – كەز كەلگەن ءونىمنىڭ باستى كىلتى. سول ساپا مەن ۇيلەسىم, سۇلۋلىق ساي كەلگەندە ۇسىنىلعان ءونىم جوعارى باعالانادى.
«Catarina Nova» ايەلدەر كيىمىنىڭ نەگىزىن قالاۋشى تاتيانا سەمەنوۆا ءوز ونىمدەرىن تانىستىرا كەلە, باستى ماقسات – كيىمنىڭ كومەگىمەن ءار ايەلدىڭ وزىنە جانە اينالاسىنداعىلارعا كوڭىل كۇي سىيلاۋ مۇمكىندىگى بار ەكەنىن دالەلدەۋ دەيدى.
ء«بىزدىڭ اسسورتيمەنتتە سىرتقى كيىمدەر, كوستيۋمدەر, كويلەكتەر, بەلدەمشەلەر مەن شالبار جانە باسقاسى بار. جۇمىس بارىسىندا ءار كيىمگە بولەك تالعاممەن مۇقيات قارايمىز, تەك جوعارى ساپالى ماتەريالداردى تاڭدايمىز. ءبىز كوللەكتسيامىزدى سانكت-پەتەربۋرگتە ءوز وندىرىسىمىزدە تىگەمىز. تۇراقتى تۇتىنۋشىلار ءبىزدىڭ ونىمدەردىڭ ىڭعايلى, ساپالى ەكەنىن ءجيى ايتادى», دەيدى ت.سەمەنوۆا.
ال سانكت-پەتەربۋرگتىڭ «Gerrusi» برەندىنىڭ باستى ۇرانى – تالعامپازدىق. ەلەنا مەن روديون مالتسەۆ وزدەرى نەگىزىن قالاعان وتباسىلىق كاسىپتى سيپاتتاي وتىرىپ, برەندتىڭ ەرەكشەلىكتەرىن اتاپ ءوتتى.
«كەز كەلگەن دەنە ءبىتىمىنىڭ «كەمشىلىكتەرى» بولادى. بۇل, ارينە, كەمشىلىك ەمەس. بىراق حالىق دەنەسىندەگى ارتىق-اۋىس تۇستارىن كەمشىلىك دەپ قابىلدايدى. سوندىقتان ەڭ الدىمەن ءوز «كەمشىلىكتەرىن» جاسىراتىن كيىم ىزدەيدى. ءبىزدىڭ ءونىمنىڭ ەرەكشەلىگى دە وسى – ادامنىڭ دەنە ءبىتىمى قانداي بولسا دا بارىنشا سۇلۋ ءمۇسىن قىلىپ كورسەتەدى. دەنەنىڭ جاسىراتىن تۇستارىن شەبەر جاسىرىپ, كورسەتەتىن تۇستارىن ەرەكشەلەپ تۇرادى. كيىم – ەڭ الدىمەن, ءومىر سۇرۋگە قاجەتتىلىك بولسا, ودان سوڭ – ءسان ۇلگىسى. كيىمدى قوعام ءسان ءۇشىن كيەدى, ءسان ءۇشىن تاڭداپ, تالعايدى», دەيدى ولار.
سونداي-اق استانالىقتاردى كۇندەلىكتى ومىرگە ارنالعان ءساندى كيىممەن Onicape ديزاينەرلەرى تانىستىردى. بۇل برەندتىڭ وكىلدەرى ءونىم ديزاينىنا تاريحي قالا سانكت-پەتەربۋرگتىڭ اۋا رايى مەن ەرەكشە ساۋلەتىنەن يدەيالىق شابىت العانىن ايتتى.
«2016 جىلى العاشقى توپتامامىزدى شىعاردىق. ءالى كۇنگە دەيىن سۇرانىسقا يە. كيىم تىگۋ كەزىندە ءبىز ستيلگە, تۇستەردىڭ الۋان تۇرلىلىگىنە جانە پراكتيكالىققا ەرەكشە نازار اۋدارامىز. ءبىز تەك ساپالى ماتەريالداردى, دالەلدەنگەن جابدىقتار مەن يننوۆاتسيالىق ماتالاردى قولدانامىز. مۇنداي كيىم جاڭبىر مەن جەلدەن قورعايدى, دەنەنىڭ تىنىس الۋىنا مۇمكىندىك بەرەدى», دەيدى Onicape وكىلى.
ءسان ساپارى اياسىندا رەسەيلىك ديزاينەرلەر قازاقستاندىق سەرىكتەستەرمەن زاماناۋي ءسان تۋرالى ءوز يدەيالارىمەن ءبولىسىپ, جەمىستى ىنتىماقتاستىقتىڭ ءتۇرلى نۇسقا- لارىن ۇسىندى. ۇيىمداستىرۋشىلار بۇل ساپار ەكى قالا اراسىنداعى ءسان جانە مادەني الماسۋ الەمىندەگى ماڭىزدى وقيعاعا اينالعانىنا, شىعارماشىلىق يندۋستريالاردىڭ دامۋىنا, حالىقارالىق بايلانىستاردىڭ نىعايۋىنا ىقپال ەتەتىنىنە سەنىمدى.
بۇگىنگى قوعام – نارىقتىڭ زامانى. باسەكەلەستىك تە الەمدى بيلەپ تۇر. وسى ورايدا ەكى ەل ءسان ماماندارىنىڭ كەلەلى كەزدەسۋلەرى جاڭا جوبالارعا, تىڭ وزگەرىستەرگە باستايتىنى ءسوزسىز.