الداعى كۇندەرى الماتىدا اۋا تەمپەراتۋراسى تومەندەپ, جاڭبىر, قار جاۋى ىقتيمال. وسىعان بايلانىستى قالالىق پوليتسيا دەپارتامەنتى كولىك جۇرگىزۋشىلەرىنە ۇندەۋ جولدادى, دەپ جازادى Egemen.kz.
الماتىدا كۇن رايىنىڭ كۇرت بۇزىلۋىنا بايلانىستى پوليتسيا جۇرگىزۋشىلەرگە قىسقى دوڭگەلەككە ءوتۋ كەرەك ەكەنىن ەسكەرتتى.
«جول قوزعالىسى قاۋىپسىزدىگىن ساقتاۋ ءۇشىن كولىك جۇرگىزۋشىلەرى مەن اۆتوكولىك يەلەرىنە دوڭگەلەكتەرىن قىسقى كەزەڭگە اۋىستىرۋدى الدىن الا جوسپارلاۋدى ۇسىنامىز», دەدى پد اكىمشىلىك پوليتسيا باسقارماسىنىڭ باستىعى اسحات قۇلباەۆ.
ەلىمىزدە كولىك جۇرگىزۋشىلەرى قىستىڭ 3 ايىندا وسى مەزگىلگە ارنالعان دوڭگەلەكپەن جۇرۋگە مىندەتتى. ال 1 جەلتوقسانعا دەيىن قىسقى دوڭگەلەككە اۋىسپاعان جۇرگىزۋشىلەرگە ايىپپۇل سالىنادى. ەرەجەنى ەسكەرمەگەندەرگە اكىمشىلىك كودەكستىڭ 590-بابى 5-بولىگى بويىنشا 5 اەك ايىپپۇل سالىنادى.