قۇتقارۋشىلار كۇنى قارساڭىندا شىمكەنت قالاسىندا كوپقاباتتى تۇرعىن ءۇيدىڭ قاسبەتىنە قۇتقارۋشىلارعا ارنالعان ارت-نىسان سالىندى, دەپ حابارلايدى Egemen.kz.
مۇرال شىمكەنت قالاسىنىڭ ورتالىعىندا, كوپشىلىكتىڭ نازارىنا تۇسەتىن ايماقتاردىڭ بىرىندە ورنالاسقان. قۇتقارۋشىلاردىڭ جۇمىسى ارقاشان قاۋىپتى جاعدايلارمەن بايلانىستى بولعاندىقتان, مۇرالدا ءورتتى ءسوندىرۋ جانە توتەنشە جاعدايلاردان ادامداردى قۇتقارۋ ءساتى بەينەلەنگەن.
مۋرالدى توتەنشە جاعدايلار دەپارتامەنتىنىڭ باستاماسىمەن, قالا اكىمدىگىنىڭ قولداۋىمەن جەرگىلىكتى «KORINIS WALL» كومپانياسىنىڭ ۇجىمى جاساعان. سۋرەتشىلەر مۇرالدى سالۋ ءۇشىن 4 كۇن جۇمىس ىستەگەن.
قر تجم قالانىڭ ورتالىق كوشەلەرىنىڭ بىرىندە ورنالاسقان بۇل بەينە قازىرگى زامان قاھارماندارىنىڭ قىزمەتىن ناسيحاتتاپ تۇرعانىن, ولارعا دەگەن قۇرمەتتىڭ كورىنىسى ەكەنىن اتاپ ءوتتى.